Спорительница хлебов богородица


Проект службы иконе Божией Матери именуемой "Спорительница хлебов"

← к оглавлению

 

Служба находится на редакции в издательском совете Русской Православной Церкви.    Скачать (spor_sluzhba.doc 106 kB)

 

 

НА МАЛОЙ ВЕЧЕРНИ 

Стихиры Богородице глас 4

Приидите вси нищии / алчущии душею притецыте вси / се бо Небеснаго Хлеба Чертог / на облаце предгрядет / обвеселяя народы православныя / исполняя во благих желания всех / и насыщает млеком и медом земли обетованныя.

Насыщаеми Тобою Богородительнице / гласы хвалебныя Тебе приносим днесь / несть бо у нас иныя Предстательницы паче Тебе / несть бо иныя кормительницы кромé Тебе / несть и иныя любвеобильныя Матере / милующия присно род христианский.

Хлеба Небеснаго Трапеза тáинственная / манны древнеизраильския скиния Божественная / Жезл прозябый Цвет нетления / новозаветная Чаша спасения / в Нейже растворися Божественнаго Сына Твоего хлеб и вино / сия сладости причастники нас соделай / Дево Спорительнице.

Слава и ныне: глас 5

Возвеселися обитель Оптинская / убранством есенним украсися и пой / яко угобзися духовная нива твоя / и поля твоя исполнишася тука / Матерь Света имущи в себе Спорительницу хлебов / темже не взалчут нижé возопиют / аще православно Ту исповедати будут чада твоя / яко Матеродевственную Богородительницу чистую.

 

Стихиры на стиховне глас 2

подобен: Доме Евфрафов:

Житнице Слова / спасения Ходатаице / нивы одушевленныя Дево Спорительнице / Твоя рабы сохрани / плевелосожжения.

Стих:  Приведутся девы в след Ея / искрении Ея приведутся Тебе

Скиния верных собрания / Долина новаго Израиля / на Нейже крини девства цветут / благовонствующе чистотою.

Стих:  Предста Царица / одесную Тебе.

Хлеба насущнаго подаждь рабом Твоим / на нивах труждающимся / и всякаго вреда избави стадо Твое / Тя присно хвалящее / Спорительнице Дево Всеблаженная.

Слава и ныне: глас тойже

Амвросия богомудраго в помощь призовем / со Спорительницею Девою помолитися / во еже избавитися глада духовнаго обители Оптинстей / и всем весем земли Русския / Словом Животворным насытитися.

 

По ныне отпущаеши:

ин Тропарь глас 3

Всея вселенныя Питательницу / нищих Заступницу и обидимых Покров / нивы одушевленныя Спорительницу / Тя вернии познавают Дево Богородительнице / Хлеб бо Божественный во чреве Твоем истинно испечеся /сохранив неврежденна ложесна Твоя Непорочная, / темже сладости Божественныя причастники нас сотвори / и ниву Господню соблюди неврежденну / до скончания века.

 

НА ВЕЧЕРНИ

На Господи воззвах: стихиры гл. 1

подобен: Небесных чинов: 

Приидите православнии народи / возблагодарим Питательницу нашу / всея вселенныя великое сокровище / в песнех духовных почтим  Богоотроковицу Марию / яже дланема Своима ниву Господню хранит / в снопы спасаемых спорующи верных / и ересей плевелы отметающи / Хлеба насущнаго Подательницу / млеком питавшую Питающаго вся.

Госпоже Всемилостивая / Царице сущи Небесе и Земли / на облаце яко на престоле возседящи / обходиши землю русскую / и делателей нивы Господней благословляеши / и яже на полях жнущих пшеницу / во обою Спорительница являешися / яко Мати сущи Зиждителева / и Питателя всея вселенныя.

Христианом Помощница, верным твердый Покров / укрепи нас, Владычице, недостойных раб Твоих / и нивы наша угобзи и жительство возвыси / еже руками деяти, душами же славословити / добродетелей плод приносити сторицею / в Житницу Небесную / Твоим Богомати ходатайством / благодаряще о всем Сына Твоего.

Оляденевшия нивы душевныя / ороси теплым дождем молитв Твоих / Облаче росоносный Солнца Правды Христа / Дево Богородице / Матерним попечением яко земледеланием / изчисти бразды сердечныя / всевающи в ня сéмена слова животнаго / и плодоносну покажи, Спорительнице, / пажить спасаемых.

Слава и ныне: глас 5

Посетила еси землю Твою Дево Владычице / и упоила еси ю /  еже обогатити ю: / река Божиих щедрот наполнися вод: / уготовила еси пищу нам, яко тако есть уготование / бразды ея упой, умножи жита ея: / в каплях ея возвеселится прозябающи, / благословиши венец лета благости Твоея Спорительнице / и поля Твоя исполнятся тука: / разботеют красная пустыни и радостию холми препояшутся. / Одеяшася овцы пажити Твоея одеждею веселия / ибо удолия умножиша пшеницу: / воззовут благодаряще и воспоют: / Радуйся Спорительнице наших хлебов / радуйся Трапезо тáинственнаго веселия / радуйся Хлеб неснедаемый алчущим подающая / и Питателя всея вселенныя на рукý Твоéю носящая / Радуйся, Мати Божия, / помилуй и спаси рабы Твоя.

 

Стихиры на литии, глас 1

Небеса да воспоют славу Божия Матере / горы и холми согласно да возгремят / и поля дубравная и нивы плавыя / да возплещут хвалу тáинственно / яко Всемилостивая Госпожа всея твари / предста на облаце / руце  благословеннии молебственно простирающи: / Зряще сие Ангели удивишася / Царица о гресех людских молит всех Бога Судию / Матернее дерзновение употребляющи / еже избавити землю проклятия вечнаго / и, о чудесе, Сын преклоняется / и двери милости небесныя отверзаются / и злачная поля исполняются тука / и земля разумная прозябает цветы смиренномудрия / благовонствующи молитвою покаяния / темже благодарно вси вернии да возопиют: / Слава Ти Мати Божия; / Спорительница сущи хлебов / и нивы одушевленныя Споручница / помилуй нас.

Слава и ныне: глас 7

Боголепную Отроковицу в песнех почтим / Девическую красоту воспоим яко словесный Рай, / яко Скинию нерукотворную / в Нейже Слово Плоть бысть / и приобщися нам преискренне / питие растворив жизни вечныя: / ядите Мое Тело и пийте Мою Кровь / Премудрость глаголет Божественная / Небесным Хлебом насыщая всех / любовию поющих / Спорительницу хлебов, Небесную Матерь / и Питательницу всея вселенныя.

 

Стихиры на стиховне глас 4

Подобен: Яко добля:

Жатву и весну Твой Сын создал есть / Дево Богоневестная / Ты же покаяния нам весну принеси / Ластовице Богокрылая / да тепле сеюще слезами в бразды душевныя / рукояти псаломски радования пожнем / и цветы благодарения / принесем Тебе Владычице.

Стих:  Слыши Дщи и виждь /и  приклони ухо Твое

Яко благоуханный и медоточный Рай / яко палата царская и красная / яко село сладкое Чрево Твое Богоприятное / упасеся бо в Тебе Агнец Божественный / Иже Кровию Своею очищает мира грех / и верныя питает Божественно / на пажити живота изводя стадо Свое / под Твоим Богомати покровом.

Стих: помяну имя Твое / во всяком роде и роде

Земля новая и обетованная / земля из Неяже течет мед и млеко / и алчущия напояет сладостию Божественной / Земля на Нейже процвете Животворная Лоза / и вином оставления напояет души изгибшия грехом / всем изцеления подающая: / Ты еси Дево Богорадованная / Тя пророческими гласы восхваляющих / сподоби со пророки в раю жити.

Слава и ныне: глас 1

Пророкоименитая Дево Боголепная / словесный Раю и Скиние Божественная / Руно Гедеоново, Росо Неботочная / Горо Даниилова, Еяже ради небесныя горы возрадовашася / и небеса искапают сладость / Земле обетования израстившая Житомерителя всех веков / Нивы одушевленныя Спорительнице, / посли на души наши росу благодати Твоея / и исполни поля наша тука / да плод трудов наших принесем в житницу небесную / и нищия препитаем / и в радости возопием:  / радуйся, Обрадованная с Тобою Господь / и Тобою с нами / до скончания века.

 

НА УТРЕНИ

На Бог Господь: тропарь глас 3

О Пречистая Дево Марие / Мати Царя  небесе и земли / благоутробно презираеши на любящих Сына Твоего / Христа Бога нашего / и труждающихся во имя Его / вечнаго ради спасения, / и подаеши им вся обильно к наслаждению / Спорительница сущи хлебов им / избавляющи их всякия нужды и утеснения / и устрояющи им рабом Твоим сущим / избавление вечныя муки и жизнь вечную.

По первом стихословии, седален, глас 2

Подобен: Милосердия сущи:

Украшаема различным светолитием,/ небо явилася еси одушевленное Богородительнице,/ Солнце Правды царственно имущи в Себе,/ темже лучи благоволения Отча простри к нам Дево Чистая/ и нивы наша угобзи и плевелы исторгни душетленныя,/ яко Спорительница показалася еси нам, Всемилостивая.

Слава и ныне: тойже 

 

По втором стихословии, седален, глас 3

Подобен: Красоте девства:

Церкве честныя бразды напоишася,/ тучами священных молитв Твоих Дево Богоблаженная,/ и клас израстити сотвориша, спасения надежды и веры:/ имиже питается всякая душа, божественною благодатию;/ темже и ныне одожди мир и благоустроение жительству нашему/ да в тишине глубоцей Твою благостыню славим Дево Всепетая.

Слава и ныне: тойже

 

По полиелеи седален глас 1 

подобен: Камени запечатану:

Девическаго Твоего чрева красен клас явися, израстила бо еси мiрови Жизнь. Сего ради вернии вси по долгу Тебе Богородице вопиют, славяще честное Твое торжество Пречистая: Слава промышлению Твоему о нас Спорительнице. Слава Державе Твоей в земли Рустей. Слава милосердию Твоему Мати любоблагоутробная.

Слава и ныне: тойже

 

Стихира по 50-м псалме глас 6

На земли Тя Небо Чистая показа / Иже во утробе Твоей вселивыйся Бог Слово / плоть приим, Иже естеством незримый: и дождиши всем безсмертную росу Неискусобрачная: / темже пажить спасаемых плодоносну покажи / и угобзи нивы полей наших / да плод принесем Сыну Твоему / двустаричествующий.

 

Канон празднику иконы Божией Матери Спорительница хлебов

Глас 2, егоже краегранесие: Мариам Дево, рукояти, Спорительнице, песней приими.

 

Песнь 1

Ирмос: Моисейскую песнь восприимши, возопий, душе: / Помощник и Покровитель бысть мне во спасение, / сей мой Бог, и прославлю Его. 

Мариам Деву возвеличим вернии, яко облак сущи Божественный,/ новому Израилю одождивши Манну небесную, от неяже ядущии вси,/ ктому не умирают.

Ангельскаго хлеба древле вкушь Израиль,  не возблагодари Питавшаго,/ мы же возвеличим Деву рождшую нам Еммануила,/ Плоть верным в снедь давшаго, еюже обожихомся.

Разумно квас человеческаго естества прием от кровей Твоих, Дево Всечистая,/ и созда его тесто Зиждитель, зарею Духа ожже,/ и в ложеснах Твоих Хлеб испечеся небесный, на спасение человеков.

Слава: Идеже хощет побеждает естества чин Сын Твой, Дево Владычице:/ пятьми хлебы насыщает народы и Плоть Свою таинственно хлеботворит,/ и верныя питает Божественно.

И ныне: Ангельския силы Тя превозносят, Марие,/ и земнороднии хвалы сплетают песненно, яко Рождеством Твоим мир во вселенней утвердися,/ и упованием небесным земля возрадовася.

 

Песнь 3

Ирмос: Процвела есть пустыня, яко крин, Господи / языческая неплодящая Церковь / пришествием Твоим, / в немже утвердися мое сердце.

Матеродевственная слава Твоя всю исполнь вселенную,/ и неплодствующих надежда явися, и девству хвала,/ и матерем утешение, и Божиих даров изобилие,/ Ты еси, Дево Богоневестная.

Древо Животное процвете посреде Тебе Богорадованная Дево,/ и нов Тя рай показа, Плод израстшая питающий всю вселенную,/ Имже огорчися ад, и сладость вкуси, праотец Адам.

Евино преслушание разрешися Рождеством Твоим, Чистая,/ и терпеливое Адамово венчася послушание,/ иже в поте лица своего труждашеся,/ и услади его горечь Господь – Сын Твой, Дево, и Живот всех. 

Слава: Водами Божественными напой алчущия души,/ и хлеба животнаго нам подаждь, чада Твоя православно взывают,/ Марие Дево Житнице Слова и Облаче Духа,/ на пажити преданий Твое стадо соблюдай.

И ныне: Одожди нивы наша и угобзи я,/ и землеретное естество водами Духа Святаго напой,/ яко во обою Тя помощницу вемы, Дево,/ Спорительницу сущу хлебов и Спасительницу человеков.

 

Седален, глас 4

Икону Твою, Пречистая Дево,/ повеле соорудити старец блаженный Амвросий,/ и Спорительницу хлебов наименова:/ мудростию бо старческою прозрел есть,/ яко Помощница Ты в трудех человеческих еси,/ и нивы одушевленныя Хранительница.

Слава и ныне:

Спасительный кров и всех радование,/ предваряющая скоро и спасающая,/ умилосердися и ныне, взываем к Тебе Чистая, о нас,/ призывающих Тя всегда во обстоянии:/ предстательства бо иного равномощнаго не имамы.

 

Песнь 4

Ирмос: Прозорливе пророк тайноводимый / Твоему, Христе, пришествию ужасается, /еже предрекий вопияше: / хваления Твоего исполнися земля, / Боголепно бо нашу нищету не презрел еси, / но пришел и спасл еси. 

Рукояти пожинаем радости,/ песненныя хвалы Тебе плетуще, Всепетая,/ и душегубнаго избавляемся глада,/ всех Радование,/ яко Питателя родила еси,/ всех Господа.

Ускори на помощь и моление ко Всещедрому Сыну Твоему простри,/ и людем Твоим даруй утешение;/ еже изобилие земных плодов,/ и душам процвести добродетельми,/ матерними Твоими и всещедрыми молитвами.

Ко первообразней красоте Твоей умне простирающеся/ и песенное чествование Твоей иконе творим/ и умильно взываем к Тебе, Владычице:/ Стамну златую Тя, древле носящую манну,/ ведаше Израиль,/ нам же буди, хлебов Спорительница.

Слава: Образ дивный повеле написати старец Амвросий Оптинский:/ руце молебно простирающу,/ Царицу на облаце седящую;/ ниву Господню хранящую,/ и нивы хлебныя спорующу,/ и плевелы от обою отметающу.

И ныне: Яко Мати Жизнодателя,/ яко Адамова дщи,/ яко Дева Неискусобрачная и Богоневеста Прекрасная,/ посети род христианский Тя пророческими гласы воспевающий,/ и всякую скорбь утоли, и нýжды избави.

 

Песнь 5

Ирмос: Ходатай Богу и человеком был еси, Христе Боже: / Тобою бо, Владыко, к Светоначальнику Отцу Твоему / от нощи неведения / приведение имамы. 

Толиких бед Тобою избавихомся,/ и толиких насладившеся богатых щедрот,/ неумолчными темже гласы воспеваем Тя Богородительнице,/ и ублажающе зовем:/ радуйся Ходатаице спасения нашего.

Истинно испечеся в ложеснах Твоих Дево, Хлеб живота вечнаго,/ и скинию Тя содела нерукотворенную,/ и трапезу тайную, и предложение хлебов,/ и вся яже глаголется о Святая Святых, и еще большая.

Спорительницу Тя вемы хлебов/ и нивы одушевленныя Споручницу,/ и труждающихся Похвалу, и умных делателей Наставницу/ и милостивую Заступницу роду христианскому.

Слава: Почести песненныя Тебе Единей Приснодеве приношаем,/ и Питателя Питательницу Тя нарицаем, Всечудная,/ и Зиждителя Матерь, и девственных светлую отраду,/ и алчущих душ, всесладостное насыщение.

И ныне: Обитель Оптинскую сохраняй Матерними Твоими молитвами,/ и вся в ней труждающияся спасай,/ Богородительнице, и покрывай,/ омофором Твоего всесильнаго заступления.

 

Песнь 6

Ирмос: Глас глагол молебных / от болезненныя, Владыко, души услышав, / от лютых мя избави: / Един бо еси нашего спасения виновен.

Родове родов плетут Тебе песни, Владычице Чистая,/ яко увенчана есть земля венцем Твоих щедрот,/ но паки умножи милости Твоя Богоневестная Дево,/ к воспевающим Тя, яко Спорительницу хлебов.

Изсушивши сады злобы,/ прозябением в Тебе Слова, Мати Чистая,/ из корене лукавыя мысли отсецы Твоих певцов,/ и насади добродетелей красная прозябения.

Терние израсти нам земля по падении и волчцы,/ и проклята бысть пробабьим грехом,/ но землю Тя нову Творец содела, Богоблаженная,/ Иже и прозябл есть Древом Животворным из Твоих Дево ложесн.

Слава: Евино решится проклятие Твоим Рождеством Пречистая,/ и сынове Адамли труждающеся не умирают в поте лица,/ но Божественный Плод Чрева Твоего вкушают, Богородительнице,/ и сладости наследствуют Рай.

И ныне: Летнюю память Твоей иконе совершаем, Спорительнице,/ и день от дне не престанем Тя восхваляти,/ темже милости пробави роду христианскому, и жито умножи полей,/ и цветоносие добродетелей даруй, и лето благоприятное душам.

 

Кондак гл. 2

Подобен: Пречистому образу:

Спорительница хлеба нам явилася еси в последнее время, / Дево Мати Пречистая Богородице, / ниву хранящи одушевленную от плевел и ересей, / и нивы хлебныя спорующи, / подающи помощь труждающимся, / и делателем евангельским венец нетленный: / темже  благодарно Тебе со Амвросием и мы вопием: / радуйся Благодатная Господь с Тобою, / подаждь и нам недостойным росу благодати Твоея / и яви милосердие Твое.

Икос

Житницу Тя Слова познаваем Богорадованная Дево,/ яко угобзися в Тебе пшеница Живота Божественнаго,/ и ложесна Твоя благоплодная, яко село сладкое показася всем жнущим спасение и вопиющим:/ Радуйся отрасле неувядамыя розго;/ радуйся плода безсмертнаго стяжание;/ радуйся Делателя делающая Человеколюбца;/ радуйся Садителя жизни нашея рождшая;/ радуйся Ниво растящая гобзование щедрот;/ радуйся Трапезо, носящая обилие очищений;/ радуйся яко рай пищный процветаеши;/ радуйся яко пристанище душам готовиши;/ радуйся Благодатная, Господь с Тобою и мы со Амвросием Тебе вопием,/ подаждь и нам недостойным росу благодати Твоея/ и яви милосердие Твое.

 

Песнь 7

Ирмос: В пещь пламенную юноши три ввержени / ликование сплетения яко в нетленнем травнице / Христу, снаслаждающеся, вопияху, поюще: / отцев Боже, во храме Твоем благословен еси. 

Неоранна Ты явилася еси бразда прозябшая,/ несеянный Божественный клас,/ Имже алчущих напитала еси,/ Божественными дарованьми же и  благодатьми.

Икона Твоя Дево показася источник чудес,/ от негоже жаждущии снабдеваются изобильно,/ и недужливии здравии ходят,/ и плодоносит земля клас сторичествующий.

Царица сущи Небесе и земли,/ на облаце легцем возседящи,/ вся ны труждающиися благослови,/ и одожди полям влагу, и душам нашим источи, росу благодати Твоея Пречистая.

Слава: Ересей исторгни плевелы, Дево,/ и Ангелов в помощь нам посли, и злочестивая иконоборцев уста загради, Богородительнице;/ да не имут с нами во веки пети:/ благословен Плод чрева Твоего Чистая.

И ныне: Пажить плодоносну обретает стадо/ под Твоим Богомати окормлением,/ и душетленнии волцы не мощни расхитити словесных овец,/ хранимых благодатию Сына Твоего и Бога.

 

Песнь 8

Ирмос: В купине Моисею Девы чудо / на Синайстей горе Прообразившаго иногда, / пойте, благословите / и превозносите во вся веки. 

Евангельскою лозою процвела еси Дево,/ Грозд зрелый породивши Царя Христа,/ Егоже вкусивши смерть погибе,/ вернии же вечнующе поют и превозносят Тя, во вся веки.

Спорительницу Тя поем, Мати Благая,/ Благаго бо Господа родила еси,/ Иже ниву одушевленную хранит дланми Твоима,/ и земли благоплодие дарует, матерними Твоими молитвами.

Новое чудо явися икона Твоя Владычице,/ сугубо действо в себе проявляющи Божественно,/ яже земли плодородие дарует, и душам цельбы точит,/ и Церковь цветущу показует, благохвалимую песненно.

Слава: Еже на облаце, возседящая и благословящая певцы Твоя,/ разсей Царице мглу душевную, и бурю греха разори,/ и возсияй нам день спасения, Солнцем, Иже из Тебе рождшимся,/ Марие Дево Преблагословенная.

И ныне: Изпечеся в ложеснах Твоих Хлеб Небесный,/ и неопалима пребыла еси Дево якоже древле купина,/ темже вещь попали моих страстей и боготворнаго причащения сподоби,/ огнесветла творя мя, во вся веки.

 

Песнь 9

Ирмос: Утроба Твоя Чистая Богородице Дево, / небесную тучу мирови  укану, / Живот возсияющую Вечный, / и Адама со Евою в пажить райскую всели. / Темже Тя, едину в женах / Матерь бывшую Еммануилеву, вси роди, величаем. 

Пренепорочное Чрево Твое,/ Богоотроковице Марие,/ стог честнаго гумна явися,/ миру нося пшеницу Живота, питающу всяческая,/ темже Тя яко виновну всех добрых,/ вернии по достоянию в песнех величаем.

Рукояти приими Спорительнице песненныя,/ яже Тебе Единей подобает принести от родов человеческих,/ яко Питателя всея вселенныя родила еси,/ Иже Ангелом Свет,/ и земли плодородие и душам спасение дарует,/ Твоими молитвами Богородительнице.

Источи нам Спорительнице росу благоволения Твоего,/ и поля наша исполнятся тука,/ и холми радостию препояшутся, и удолия умножат пшеницу,/ и возвеселятся людие Твои,/ Богоневестная Дево,/ Тя в песнех непрестанно величающе.

Истинно явилася еси Спорительница в последнее время,/ яко жатва всемiрная к пожатию приспе,/ и терния злоплодная умножиша ересеначальницы/ и виноград беззакония уже созре:/ темже избави нас, Дево, тех части посечения,/ и верныя в Своя снопы собери.

Слава: Матеродевственную славу Твою поем Богоневестная Отроковице,/ якоже роса утренняя укану во чрево Твое Христос Господь/ и рай Тя нов содела медоточивый,/ имже питаеши стадо Твое, и надеждею сладчайшею насыщаеши,/ яко до скончания века не имут взалкати,/ вси православно поющии славу Твою

И ныне: Иссопом Твоих молитв окропи стадо Твое Всепетая,/ и потреби лядину греха,/ и страстныя исторгни из душ наших плевелы,/ и цветоносный отверзи, Дево, благоуханный рай,/ да водимии Тобою, Облаче Духоносный,/ пажить обрящем Живота, Тя величающе.

 

Светилен, глас 2

Солнценосный Облаче и умная колеснице Слова,/ Дево Богоневестная, Господина жатвы моли,/ мир послати Церквам,/ и душевредных ересей исторжение совершити вскоре,/ еже пожати Сыну Твоему сторичествующий клас.

Слава и ныне: тойже:

 

Стихиры на на хвалитех глас 1

подобен: О, дивное чудо: 

О, Дивное Чудо! / Источник Жизни / на облаце является / и к небеси возвышает сердца / веселитеся вси земнороднии / Таковую стяжавше Спорительницу хлебов / возопием вернии / Амвросия имуще предходатая: / Благодатная, радуйся / с Тобою Господь / посли нам росу благодати Твоея и яви милосердие Твое.

О, Дивное Чудо! / предста Царица / рясны златыми испещрена и убранством есенних цветов, / Сына умолящи помиловати землю Русскую / и возсияти день спасения / ветром благодати божественныя возвеяти, / еже спеятися ниве одушевленней, / да в радости пажить спасаемых возопиет: / Благодатная, радуйся / с Тобою Господь / посли нам росу благодати Твоея и яви милосердие Твое.

О, Дивнаго преплодия Твоего, / Дево Спорительнице, / умножися  жито наших полей / и благодать плодородити начинает светло в душах / о Тебе бо рукояти сладости пожинают вси труждающиися / нищии, убозии и сироты: / темже благодарным гласом вернии да возопиют: / Благодатная, радуйся / с Тобою Господь / посли нам росу благодати Твоея и яви милосердие Твое.

О, Дивное Чудо! / знамение дадеся нам / Дева Спорительница на облаце грядет / со Архангелы и Ангелы серпоносными / жатву всемiрну хотящи пожати, / предтрубят Апостоли евангельски, / вернии вси со страхом возопиим: / Благодатная, помилуй нас / изми части плевелопосечения / и огня адскаго избави пажить Твою.

Слава и ныне: глас 6

Днесь собравшеся вси богомудрии / страхом священным оградившеся / боголепно воспоим Царицу Небеси и земли / Ейже Ангели жатели со трепетом предстоят / и Апостоли отребители Божественныя лозы / вси уготоваша серпы слова, / еже посещи плевелы студнаго греха / и вся пораждения ехиднина / и верныя спорити со Владычицею в снопы Божественныя / и в кущи праведных вселити в Рай / Житницу восполняюще Слова / сей части блаженныя нас сподоби  о, Богомати Всемилостивая / и огня негасимаго избави пажить Твою, / яко Твое прозябение есмы / православный род христианский / Тя присно ублажающий.

 

← к оглавлению

www.optina.ru

Спорительница хлебов - Икона Божией Матери

 

Икона Божией Матери,

именуемая «Спорительница хлебов»

 

 (15 / 28 октября)

 

 

    Икона Божией Матери, именуемая "Спорительница хлебов", написана по благословению старца Введенской Оптиной пустыни иеросхимонаха Амвросия (23.ХI.1812 – 10.Х.1891). Отец Амвросий, великий русский подвижник ХIХ века, пламенел детской верой к Божией Матери. Он особенно чтил все Богородичные праздники и в эти дни усугублял молитву. Иконой "Спорительница хлебов" отец Амвросий благословил основанную им недалеко от Оптиной пустыни Шамординскую женскую обитель в честь Казанской иконы Божией Матери.

    На этой иконе Божия Матерь изображена сидящей на облаках. Ее руки распростерты на благословение. Внизу – сжатое поле, а на нем среди трав и цветов стоят и лежат снопы ржи. Старец Амвросий сам указал день празднества – 15 октября и назвал образ "Спорительница хлебов", указывая этим, что Пресвятая Богородица – "Помощница людям в их трудах по снисканию хлеба насущного". Перед своей блаженной кончиной отец Амвросий заказывал во множестве фотоснимки с этой иконы и раздавал и рассылал их своим духовным детям. Для пения акафиста перед святым образом старец составил особый припев: "Радуйся, Благодатная, Господь с Тобою! Подаждь и нам, недостойным, росу благодати Твоея и яви милосердие Твое!" День погребения старца Амвросия в Шамординской обители пришелся как раз на 15 октября – день празднества иконы. Первое чудо от святой иконы засвидетельствовано в 1891 году, когда во всей России был голод из-за неурожая, а в Калужской области и на полях Шамординской обители хлеб родился. В 1892 году, уже после кончины старца Амвросия, его послушник Иван Федорович Черепанов послал список с иконы в Пятницкую женскую обитель Воронежской области. В той местности была засуха и угрожал голод, но вскоре после того, как перед иконой "Спорительница хлебов" был отслужен молебен, пошел дождь и засуха прекратилась.

 

 

 

 

АКАФИСТ

Кондак 1

 

Избранней от всех родов Божией Матери и Владычице Небеси и земли, избавляющей нас от всякия нужды, благодарственное приносим пение. Ты же, Всемилостивая Госпоже Богородице, приими наше усердное моление, сохрани нас от глада и пагубы, даруй земли нашей плодоносие, Питательнице и Спорительнице нив и хлебов наших, да радующеся всегда зовем Ти: Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Икос 1

 

Ангелов Творец избра Тя, Владычице, к благодатному человеков спасению и дарова Тя Помощницу людем, избавляющую нас от глада и всяких напастей, житие наше добре устрояющую во всяком мире и довольстве. Темже со умилением взываем Ти:

Радуйся, благодатное человеков избавление от всякия нужды;

Радуйся, достоянию Твоему помощь и заступление.

Радуйся, христолюбивыя люди от бед спасающая;

Радуйся, алчущих Питательнице.

Радуйся, сирых Заступнице;

Радуйся, нагих одеяние.

Радуйся, израстившая нам Плод Живота;

Радуйся, Спаса рождшая душ наших.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 2

 

Видев Сын Твой, Богомати, великое Твое к людем милосердие, глаголет к Тебе: “Проси, Мати Моя, зане не отвращуся Тебе, но исполню вся прошения Твоя”. Мы же, прославляющие сие дивное промышление о роде человеческом, вопием Богу: Аллилуиа.

 

 

Икос 2

 

Разум небесный даровася благочестивому старцу Амвросию, настави его соорудити во обители им созданной, икону Пресвятыя Богородицы и нарещи ю “Спорительнице хлебов”, яко Ты, Пресвятая Дево, спасаеши люди Твоя от глада, даруеши земли плодоносие, посылаеши дождь ранний и поздний на нивы и поля наша, защищаеши люди Твоя от смертоноснаго вреда и пагубы. Темже вопием Тебе таковая:

Радуйся, Дево, христиан похвало;

Радуйся, яко Тя блажат вси роди.

Радуйся, яко Ты благословляеши и споряеши хлебы наша;

Радуйся, яко Ты избавляеши нас от глада.

Радуйся, питающая нас хлебом жизни;

Радуйся, млеком питавшы Питателя Вселенныя.

Радуйся, Плода Безсмертнаго стяжание;

Радуйся, Садителя жизни нашея росшая.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 3

 

Силою свыше укрепи нас, Благодатная Владычице, во дни глада и пагубы, да не погибнем люте без покаяния во унынии и отчаянии, но утверди и настави нас в терпении и благоугождении Богу, да разумеем в напастех и скорбех волю Его святую, благую и совершенную, непрестанно хваля Бога и взывая Ему: Аллилуиа.

 

 

Икос 3

 

Имея любовь велию к людям, искупленным Честною Кровию Сына Твоего и Бога, Богомати Пречистыя, прияла еси от Него власть устрояти и покрывати род христианский. Ты бо бедствующим Помощнице еси скорая, градом и весем, селам и нивам, и всему миру Покров. Тебе, Милосердной и Боголюбивой Матери нашей, устрояющей и управляющей ко спасению земную жизнь нашу, смиренномудренно глаголем:

Радуйся, Благаго Сына Благая Мати;

Радуйся, непрестанно молящаяся о спасении и помиловании нас грешных.

Радуйся, о всем мире христианстем к Богу Ходатаице;

Радуйся, благ всяческих Всеблагая Подательнице.

Радуйся, плененных и в темницех заключенных Питательнице;

Радуйся, тела моего здравие и души моея спасение.

Радуйся, яко рай пищный процветаеши;

Радуйся, яко пристанище душам готовиши.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 4

 

Буря противных ветров, егда найдет на нас внезапно, громы и молнии, град и вода многая устремится на землю, тогда, Госпоже Всемилостивая, ускори на помощь нам безпомощным, защити и избави нас от дождевнаго лияния, егоже сотворихомся достойни грех ради наших, и да будут поля и нивы невредимы от сих, и да не потопит нас буря водная. Тебе бо грешнии имамы Заступницу непостыдную, на Тя упование наше возлагаем и, прославляюше силу молитв Твоих, Рождшемуся от Тебе Спасу мира зовем: Аллилуиа.

 

 

Икос 4

 

Слышаще и видяще Твое сострадание, Владычице, к бедствующим и гибнущим людем, мы, грешнии, прибегаем к Тебе и молимся: О, Пресвятая Дево, услыши нас грешных, и во дни, егда солнце изсушит землю и от сухости зной будет, и прозябения земная начнут увядати, тогда Владычице, росу благодати Твоея низпосли на требующия и просящия милости, возвесели лице земли, нищих ради людей Твоих, младенец, и скотов, и иных всех, иже чают дати им пищу во благо время, и от святыя иконы Твоея “Спорительницы” яви милосердие Твое вопиющим Тебе таковая:

Радуйся, Молитвеннице неусыпающая ко Христу Богу, на милость к нам Его преклоняющая;

Радуйся, кару Божию за беззакония наша от глав наших отводящая.

Радуйся, Матерним покровом Твоим от всяких несчастий нас охраняющая;

Радуйся, поля и нивы наша от запаления солнечнаго спасающая.

Радуйся, Всемилостивая Услышательнице гласов наших молебных в скорби и обстоянии;

Радуйся, жилища наша от огня спасающая.

Радуйся, Державная Скоропомощнице наша во дни тяжких испытаний;

Радуйся, от всех бед быстрое избавление.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

Кондак 5

 

Боготечная звезда, икона Твоя, Богомати, людем, просящим хлеба насущнаго, немерцаемо сияет, покровом бо Твоея милости соблюдаеши поля и нивы наша и плодоносити их устрояеши, подвизая верныя вопити Христу Богу: Аллилуиа.

 

 

Икос 5

 

Видя Тя Сын Твой при Кресте стоящую с возлюбленным учеником, глаголет Тебе: “Жено, се Сын Твой” и ученику: “Се Мати Твоя!” — всыновляя Тебе вся верующия в Него. Мы же, чада Твоя сущия, на Твой покров надеющеся, Тебе, яко Матери нашей, глаголати дерзаем:

Радуйся, Судии Праведнаго умоление;

Радуйся, грехов наших прощение.

Радуйся, Надеждо наша известная;

Радуйся, упование наше непостыдное.

Радуйся, скорбей наших разрешение;

Радуйся, печалей наших утоление.

Радуйся, пламене страстей изменяющая;

Радуйся, всех родов веселие.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 6

 

Проповедует Церковь Христова чудеса Твоя, Богородительнице, от восток бо до запад хвально Имя Твое, и несть града или страны, идеже не совершашеся Тобою действо Силы Божия, во избавление и спасение, просвещение и исцеление людей христоименитых, наипаче же чрез иконы Твоя святыя обыкла еси чудотворити, изливающи от них струи милостей и щедрот бедствующему и требующему помощи человечеству. Сего ради славословяще Тя, Сыну Твоему и Богу нашему вопием: Аллилуиа.

 

 

Икос 6

 

Возсияла еси от Истиннаго Солнца заря, Дево Богоотроковице, просвещаеши души всех, томимых гладом душевным, рече бо Господь: “Не о хлебе едином жив будет человек, но о всяком глаголе, исходящем из уст Божиих”. Но помрачишася очи наша и окаменеша сердца наша, и не видим очима своима и не разумеем сердцем судеб Божиих. Томимыя душевным гладом, к Тебе прибегаем, Пречистая Дево, и просим Словом Жизни утолить глад душевный нас, вопиющих Тебе таковая:

Радуйся, от убожества душевнаго нас воздвизающая;

Радуйся, Питающая нас Словом Жизни.

Радуйся, трапезо Пресвятая, Хлеб Жизни носившая;

Радуйся, Пище, манны приемнице.

Радуйся, земле Благая, Клас божественный израстившая;

Радуйся, ниво, растящая многоплодие щедрот.

Радуйся, каменю напоивший жаждущия жизни;

Радуйся, милость сугубо нам подающая.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 7

 

Хотящи жати спасение, яко село сладкое показалася еси Владычице, от Негоже питающеся, имамы пищу вечную и нетленную. Мы же, земнии суще, молим Тя, Пречистая Дево, покажи силу Твою на жатве нив и полей наших, егда приидет время их, и всяк злак да изобилует на утешение нас, поющих Богу: Аллилуиа.

 

 

Икос 7

Дивно прославилася еси, Богомати, в защищении людей православных. Возстающии бо на Бога не познают, коль сильна есть молитва Божией Матери. Мы же о Твоем всемощном заступлении, помощи и благословении добре ведуще, сице к Тебе со умилением зовем:

Радуйся, чистых руками и сердцем земледельцев благословенными плодами венчающая;

Радуйся, бедствующим среди напастей и трудов внезапное вспоможение.

Радуйся, безматерних сирот незримая Воспитательнице;

Радуйся, Помощнице всех безпомощных.

Радуйся, Кормительнице вдов и сирот;

Радуйся, подающая силу, пищу и отраду болящим и разслабленным.

Радуйся, одеждо нагих дерзновения;

Радуйся, многих согрешений прощение.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

Кондак 8

 

Якоже древле содействовала еси схождению на землю Спасителя мира, сице и ныне, яко солнце светозарное, восходиши над созревающей нивой, предшествуя приходу Господина с Жателями. Тому и мы со страхом вопием: Аллилуиа.

 

Икос 8

 

Все упование наше на Тя возлагаем, Мати Божия, и в скорбех наших ко святей иконе Твоей “Спорительнице” усердно притекаем, чающе получити от Тебе утешение благодатное и вспоможение во оскудении и нищете нашей, взываем Ти:

Радуйся, милости превеликия сокровище;

Радуйся, пище и утешение к Тебе прибегающих.

Радуйся, хлебе неснедаемый алчущих;

Радуйся, быстрое нищих услышание.

Радуйся, скорбящих от глада и нужды приятное попечение;

Радуйся, к Свету Неприступному нас извлачающая.

Радуйся, ключу Царствия Христова;

Радуйся, Надеждо благ вечных.

Радуйся, Благодатная, Господь с Тобою, подаждь и нам недостойным, росу благодати Твоея и яви милосердие Твое.

 

 

Кондак 9

 

Вси людие дивятся величию чудес Твоих, Пресвятая Дево, изливаемых Тобою от святых Твоих икон, яко всем даруеши по коемуждо прошению, устрояеши домы наша, посылаеши благословение земледельцем и даеши людем всякое довольство. Темже вопием Сыну Твоему: Аллилуиа.

 

Икос 9

 

Вития многовещанныя не могут воспети чудес Твоих, Богомати Владычице, яко всем концем земли простираеши руку помощи и ниспосылаеши верным земли плодоносие, благорастворение воздухов и всякое изобилие плодов и благ земных. Мы же во смирении своем исповедающе Твое великое заступление о нас грешных и непрестанную помощь в нуждах наших вопием Ти: Радуйся, достойно восхваляемая от Архангел и Ангел;

Радуйся, величаемая от всех Небесных Сил.

Радуйся, Честнейшая Херувим;

Радуйся, Славнейшая без сравнения Серафим.

Радуйся, Владычице Неба и земли;

Радуйся, Родительнице Вечнаго Царя.

Радуйся, верная Рабо Господня;

Радуйся, ублажаемая на Небеси и на земли.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

Кондак 10

 

Спасительное прибежище в скорбех и напастех Ты еси, Богородице, темже испроси у Сына Твоего и Бога нашего, милости нам грешным, поющим: Аллилуиа.

 

 

Икос 10

Стена еси похваляющим чудеса Твоя, Богородице Дево, и всем с верою притекающим и поклоняющимся Тебе и иконе Твоей “Спорительнице хлебов” именуемой и глаголющим:

Радуйся, неистощимый источниче милостей и щедрот;

Радуйся, любве Божественных проявление.

Радуйся, чудес преславных совершение;

Радуйся, труждающихся и обремененных сладкий покое.

Радуйся, терпеливых страдальцев дарами благодатными ущедряющая;

Радуйся, о храмех Божиих попечение имущих духовною радостию утешающая.

Радуйся, несумненная наша Надеждо;

Радуйся, тихое и доброе Пристанище.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 11

 

Пение наше не презри, Пресвятая Дево, и сокровище любве Твоея не затвори от нас; щедрую руку Твоея помощи простри нам, да прославляющи милости и чудеса Твоя, поем Триединому Богу: Аллилуиа.

 

 

Икос 11

 

Светлыми лучами чудес Твоих просвещаеши весь мир христианский и заступаеши люди православныя, искупленным кровию Сына Твоего, темже припадающе ко святому образу Твоему, на немже зрим Тя, Богомати, на воздусе над полями и нивами нашими благословляющую собранныя снопы хлеба, молим Тя, Всемилостивая Владычице, род человеческий, осужденный в поте лица снести хлеб, в болезнех родити и в печалех питати чада своя, милостивно пощади и заступи. Даруй нам здравие и благомощие, да питаемии Тобою, от силы в силу возрастати будем и вси исполнимся радости и утешения от щедродательныя десницы любве Твоея, зовуще Тебе:

Радуйся, младенцев Млекопитательнице;

Радуйся, устнами детей хвалу Богови совершающая.

Радуйся, Росо Неботочная в зной трудов сущим;

Радуйся, подавающая требующим благоустроение.

Радуйся, уготовляющая просящим изобилие;

Радуйся, многажды прошения предваряющая.

Радуйся, печальных Утешение;

Радуйся, скорбящих веселие.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 12

 

Благодатную помощь ниспосли нам, Мати Божия, и егда изыдет сеяй сеяти, да не падут семена при пути или посреде терния, или на камени, но на земли добрей. Сотвори восход их, да произрастит земля плод сторицею, и мы вси в радости сердца благодарными устны вопием Богу: Аллилуиа.

 

 

Икос 12

 

Поюще чудеса Твоя и милости, Владычице Богородице, хвалим Тя вси, яко воистину еси наша Помощнице, Заступнице, Питательнице и Домостроительнице, житие наше ко спасению устрояющая. Темже вопием Ти:

Радуйся, богатство нетленное нам подавающая;

Радуйся, брашно негиблющее алчущим правды.

Радуйся, питие неисчерпаемое жаждущим жизни;

Радуйся, яко рай пищный процветаеши.

Радуйся, верных спасительное прибежище;

Радуйся, Покрове миру ширший облака.

Радуйся, ненадежных надеяние;

Радуйся, отчаянных спасение.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 13

 

О, Всепетая Мати, рождшая всех святых Святейшее Слово! Нынешнее наше приемши приношение, избави люди, к Тебе прибегающия, от всякия нужды, глада душевнаго и телеснаго, смертоносных болезней и всякаго зла и вечныя изми муки, да с лики ангельскими непрестанно поем Богу: Аллилуиа.

 

(Этот кондак читается трижды, затем икос 1 и кондак 1)

 

 

МОЛИТВА

 

О, Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся Благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенныя и Спорительнице хлебов наших, Ты, Владычице, ниспосылаеши Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: “Хлеб наш насущный даждь нам днесь”. Сохрани, Пречистая Мати, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (веси), домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно, и во веки веков. Аминь.

 

 

 

ТРОПАРЬ

 

Тропарь, глас 3

 

Пречистая Дево Марие, Мати Царя Небеси и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению. Спорительнице сущи хлебов им, избавляя их всякия нужды и утеснения, и устрояя им, рабом Твоим сущим, избавление вечныя муки и жизнь вечную.

 

 

 

КАНОН

пред иконой Пресвятой Богородицы "Спорительница Хлебов”

 

 

Тропарь, глас 3:

 

О, Пречистая Дево Марие, Мати Царя небесе и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению, Спорительнице сущи хлебов им, избавляя их всякия нужды и утеснения и устрояя им, рабом Твоим сущим, избавление вечныя муки и жизнь вечную.

 

Канон глас 8.

 

Песнь 1.

 

Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.

 

Припев: Пресвятая Богородице, спаси нас.

 

Божиею силою благочестно укрепи мя, радостно славити икону Твою, Пречистая, заступление граду Твоему, и всем людем Твоим державу неразрушиму, Пресвятая, и стаду Твоему утверждение.

Благостыню и милость почерпаем Твоими молитвами: Ты бо Бога Сильнаго родила еси, спасающая вся благоверныя молением Твоим, Пренепорочная. Егоже ради Тя ублажаем вси, Владычице.

Слава: Твою святую икону, почитающе, Пречистая Богородице, Тобою спасение нетленно даровася, и неразрушимо веселие и надежда, Покров и держава, и душам нашым Прибежище.

И ныне: Под Твой кров притекаем, Владычице, людие Твои, Пренепорочная, Помощница буди нам рабом Твоим, и спасению прошение подающи, любовию поющым Тя.

 

Песнь 3.

 

Ирмос: Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных Утверждение, Едине Человеколюбче.

 

Пресвятая Богородице, спаси нас.

 

Всечестную Твою икону, Пресвятая Дево Чистая, ангел множество на небесех, и человеческий род на земли блажит: яко Мати бысть Творца всех Христа Бога. Того молящи за ны не престай молим Тя, иже на Тя с Богом упование возложихом, Богородица Препетая и Неискусобрачная.

Освящаеши благочестно, верно притекающих ко храму Твоему, и припадающих любовию к иконе Твоей: избави нас от всяких бед, и победы даруй православным христианом на поганыя: и милостива сотвори нам Сына Твоего и Бога нашего.

Слава: Девическаго Твоего чрева красен Клас явлься, израстила бо еси мирови Жизнь. Сего ради силы небесныя вопиют Тебе Богородице: Радуйся, Благодатная, Господь с Тобою.

И ныне: Радостными душами, и в веселии сердца приимше ум к Твоему честному и святому образу, и вси вернии молим Тя, Богородице, яко Пречистому Сыну Твоему млеко подала еси, Иже нас Питавый милостию Своею.

 

Седален, глас 4:

 

ЦерковьТвоя светло празднуюет Твоего славнаго образа явление, и вси вернии, поюще, зовем Ти прилежно, Чистая Дево: вся верныя укрепи на вражию силу, и советы беззаконных разори: и живот наш направи, творити Божественную волю Сына Твоего.

Слава и ныне, тойже.

 

Песнь 4.

 

Ирмос: Услышах, Господи, смотрения Твоего таинство, разумех дела Твоя, и прославих Твое Божество.

 

Пресвятая Богородице, спаси нас.

 

Ты убо, Дево Чистая, к Свету незаходимому пришедши помяни нас, молящи Сына Твоего и Бога нашего, Твою честную икону празднующих, подати грехов оставление.

Якоже солнце светозарное, небо преходяще сияет, и Твой Божественный Лик лучы испущает: страстей же мглу от нас отгоняя, дарует душам нашым очищение, и от бед свобождение.

Слава: Ныне мрак злобный потребися, и солнечный и душевный свет возсия, Всенепорочныя Божия Матере, праздник честнаго образа егоже благочестно празднуем.

И ныне: Прибежище великое и похвала, Пречистая и Пренепорочная Мати Всепетая: Ты Кивот умныя Святыни, Ты целеб Источник неисчерпаемый, чтуших Тя покрывай от всякого зла.

 

Песнь 5.

 

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма окаяннаго? Но обрати мя и к свету заповедей Твоих пути моя направи, молюся.

 

Пресвятая Богородице, спаси нас.

 

Исполняется святыни всяческая, к Тебе прибегающым: и прощение вернии приемлюще, празднуем Твою святую икону, и молим Тя, Пречистая, подати нам благодать и милость в день судный.

Вельми добротою украси Тя Бог, яко в человецех Свет на руку Твоею: Яже едина во Свете Его, Упование христианом, Помощница сущым в нуждах и скорбех, и Пританище в пучине труждающымся: моли избавитися от напастей, любовию чтущия икону Твою.

Слава: Яко другий рай всем познавается, стяжавый посреде благоухания цвет, Твой честный праздник, Божиим благоуханием верных сердца исполняет, иже любовию чтущих Тя, Пренепорочная Владычице.

И ныне: Облак была еси, Дево, дождю Божию, Пренепорочная Владычице, воду спасительную испущающи, землю грехми изсохшую напоивши, приводящи плод творению добродетели: сего ради ублажаем Тя.

 

Песнь 6.

 

Ирмос: Очисти мя Спасе, многа бо беззакония моя, и из глубины зол возведи молюся: к Тебе бо возопих, и услыши мя, Боже спасения моего.

 

Пресвятая Богородице, спаси нас.

 

Прежде всех век Сущаго. Яко Отроча родила еси, и наша сердца обновила еси, многими грехи обетшавшая: и обновление приими нашего пения, приносяще Твоему празднику, Богородице Приснодево.

Дева Мария Богродица воистинну, яко облак светлый нам возсия. Ктому Адам не осуждается, и Ева от уз свободися. Сего ради и мы зовем, вопюще с дерзновением Единей Чистей: Пресвятая Дево, моли Сына Твоего, подати грехов оставление.

Слава: Душа всяка веселится, сошедшеся в церковь Твою, и пред иконой Твоей взывающе, Дево Богородице: всех и нас озари, и просвети сердца наша, Дево Мати Владычице.

И ныне: Днесь небесная врата отверзаются, и дверь Божественная предгрядет. Днесь радости благодать начинается, являеще мирови икону Божия Матере, к нейже вси вернии возопиим: Радуйся, Благодатная, Господь с Тобою.

 

Кондак, глас 6:

 

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно, Богородице, чтущих Тя.

 

Икос:

 

К Богородице вопием любовию:

Радуйся, Граде Господень.

Радуйся, скиптре Давидов.

Радуйся, Палато одушевленная.

Радуйся, ручко Божественныя манны.

Радуйся, неопалимая Купино.

Радуйся, свещниче златый.

Радуйся, свеще неугасимая.

Радуйся, горо Божия приосененная.

Радуйся, огненосный Престоле.

Радуйся, лествице и дверь небесная.

Радуйся, жезле Ааронов невлажно прозябый.

Радуйся, всех спасающи от всяких бед и скорбей, и моли, Пречистая, Сына Твоего, получити нам милость в день судный.

 

Песнь 7.

 

Ирмос: Божия снизхождения огнь устыдеся в Вавилоне иногда, сего ради отроцы в пещи радованною ногою, яко в цветнице ликующе, пояху: благословен еси, Боже отец наших.

 

Пресвятая Богородице, спаси нас.

 

Царица всех пришедши, небесный кров на славу нам устави, притекающих к иконе Твоей святей, еюже спасаемся от невидимых враг нахождения, к Сыну Твоему вопиюще: благословен Бог отец нашых.

Рождеством Твоим, Госпоже Богородице Дево, и всеми Твоими праздники, круг лета венчася: и ныне украси день честныя Твоея иконы, благодать источающи, мы же вси вернии во храм Твой притекающе.

Слава: Вся силы небесныя восхваляют Рождшую Господа, и роди человечестии прославляют Ю и радостно взывают: О, Прибежище наша, Надежда и Покров, и ограждение от вражиих нахождений.

И ныне: Благодатный облаче, окропи нас свыше росою Благодати и милости Твоея, чтущих день праздника Твоея святыя иконы, еже почитает, поет и славит всяка душа радующися: благословена Ты в женах, и благословен плод чрева Твоего.

 

Песнь 8.

 

Ирмос: Безначальнаго Царя славы, Егоже трепещут небесныя силы, пойте священницы, людие, превозносите во вся веки.

 

Пресвятая Богородице, спаси нас.

 

Царица еси всех едина Богу, Богородительнице Чистая, святый Престол и палата Христа Бога: Егоже моли о чтущих Твою честную икону, подати грехов оставление.

Руками святыми истинно понесла еси, в Тебе воплотившагося Господа, на земли, Преславная: и ныне возшла еси превыше небес, и оставльши человеком пресветлый образ Твой, моли Сына Твоего и Бога нашего подати нам оставление грехов.

Слава: Божественнии играйте пророцы, чтуще Девы Богородицы икону: Та бо исполни всех речения, вами сказуемаго рождши Христа всех Царя: Егоже превозносим во веки.

И ныне: Падшым востание, унывающым радование, заблуждшым Наставнице, болящым посещение и исцеление и всем христианом Спасение: соблюди нас, Госпоже, вопиющих и чтущих икону Твою, и избави нас от всяких бед.

 

Песнь 9.

 

Ирмос: Устрашися всяк слух неизреченна Божия снизхождения, яко Вышний волею сниде даже и до плоти, от Девическаго чрева бысть Человек: темже Пречистую Богородицу вернии величаем.

 

Пресвятая Богородице, спаси нас.

 

Преславная глаголашеся о Тебе, Граде Божий, и присно Царствующаго небесными и земными, от Тебе Рождшагося, и от земли Тя на Небо Возведша: Емуже непрестанно молися о чтущих преславного Лика Твоего изображение, с нимже Тя величаем.

Безплотных чинове, патриарх собор, и апостолов Божественный состав, пророческий лик, и мученичестии полцы, святителей и преподобных отец лики, и вси святии, веселитеся с нами, празднующе Божия Матере честную икону, и величающе.

Слава: Всяческая освятила еси Рождеством Твоим, Пречистая Дево, и явила еси большее просвещение, пречестный день Образа Твоего: егоже празднующе, Тебе величаем.

И ныне: Вознеси рог православных христиан, и низложи иноплеменных шатания, Богородительнице Пречистая: невоеваны соблюди грады Твоя, и вся страны христианския сохрани, в нихже великое Твое имя и многославное величается, и верно славится от всех, Владычице Чистая.

 

Светилен, глас 8

 

Богородицу Марию вси воспоим:

Радуйся, Мати Божия.

Радуйся, лествице одушевленная и разумная.

Радуйся, купино неопалимая.

Радуйся, стамно Всесвятая.

Радуйся, цвете веры.

Радуйся, жезле прозябший.

Радуйся, златая кадильнице.

Радуйся, горо Божия присенная Дево.

Радуйся, разрешение первыя Евы.

Радуйся, Престоле Божий.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое

 

Фотография иконы: http://pravoslavie.110mb.com/Pravoslavie/bogoroditsa/sporitel.htm

 

История иконы с сайта: http://pravznak.msk.ru/group_discussion_view.php?group_id=159&grouptopic_id=3226

pravoslavnyi.ru

Спорительница хлебов

Очень давно приятельница, служившая певчей в храме, подарила мне удивительную икону, сказав, что если она в доме, в нем всегда будет достаток. Хотя понимаю, что это суеверие, потому что в самой по себе иконе ничего не содержится, если не молишься и не добываешь чудо силою своей молитвы.

Но я дарю ее своим знакомым и друзьям, потому что хочется чуда, а собственных усилий так часто не хватает, и надеешься, что у кого-то может получиться, у кого-то может случиться. Всегда хочется поближе узнать икону, расшифровать, понять ее внутренний смысл.

Икона, некогда подаренная мне, необычная, называется она "Спорительница хлебов". Так что же необычного в этой иконе? Необычно для современного уха звучит само слово «спорительница». «Порить» - значит помогать,  а еще – наполняться, жиреть,

а по аналогии с очень похожими церковно-славянскими словами: «споболети» (вместе с кем-то тужить, печалиться), «споборати» (вместе с кем-то воевать, помогать кому-то в войне), «спогребаться» (вместе с кем-то погребаться), «сподвижничать» (соучаствовать в каком-либо деле), «спорительница» означает «та, которая помогает кому-то в деле утучнения, увеличения».

Очень точное название: на иконе изображена Та, которая помогает в жатве и получении тучного (большого) урожая. Икона эта появилась на Руси около 150 лет назад и не относится к числу старинных, канонических, но по стилю написания, лаконичности, цветовому решению ее можно отнести восходящей к одному из самых древних образов Богородицы – типу «Оранта» («Молящаяся»).

«Спорительница хлебов» особенно напоминает образ «Покрова Пресвятой Богородицы» (XI век). Можно даже сказать, отталкиваясь от упомянутого образа, что «Спорительница хлебов» - это образ Покрова Богородицы над всем жнивьем, всем произрастающим на земле и теми, кто работает на земле в поте лица. Сюжет истории возникновения образа, запечатленного на иконе, достаточно прост.

Оптинский старец Амвросий молился Богородице о покровительстве Шамардинской женской обители, основанной им при Оптине для обездоленных женщин и сегодня являющейся одной из самых известных. Молитва старца была настолько горячей, что ему явился образ Богородицы.

Старец запечатлел Ее восседающей на облаке и благословляющей хлебное поле. Он заказал этот образ одному из своих учеников – иеромонаху Даниилу, который и исполнил его просьбу. Образ получился очень необычным, не похожим на все другие Богородичные образы, но одновременно очень узнаваемым, не только по изображению Богородицы, но и по многочисленным деталям, присутствующим на других иконах.

Получилась своеобразная конструкция из цитат других Богородичных образов в сочетании с новизной и нетрадиционностью. Итак, икона «Спорительница хлебов» относится к изображению Богородицы по типу «Оранты» («Молящаяся»). Это один из самых первых раннехристианских иконографических образов, обнаруженный еще в римских катакомбах. Богородица здесь без Младенца, с высоко поднятыми в молитвенном жесте руками и открытыми ладонями, готовыми к принятию силы Духа Святого.

Но смысл «Оранты» более глубокий. Молящаяся Богородица – символ Церкви, она образ «Заступницы усердной» за людей. Заступницы перед Богом за всех страждущих. Говорят, когда святые попадали в Царство Небесное, они искали, прежде всего, Богородицу, но не найдя Ее, спрашивали, где же Она. И им отвечали: «Она на земле, помогает грешным».

Как Заступница за всех обидимых, страждущих, увечных и сирых, образ Оранты наиболее точно отражает место Пречистой в Церкви – место служительницы храма или Диакониссы. Было в ранней церкви – I-VIII вв. - такое служение женщин, к сожалению, исчезнувшее после появления женского монашества. Диакониссы посвящались в свое служение, как сегодня посвящаются мужчины в дьяконы.

Старец Амвросий Оптинский

Как Заступница она явилась Андрею Юродивому с покровом в руках, взяв под защиту всех молящихся в храме (в честь этого события учрежден праздник Покрова Богородицы). И как Заступница она изображена на иконе «Спорительница хлебов», выступающей молитвенницей и помощницей в заботах о хлебе насущном.

Богородица, сидящая на облаке, это цитата иконы «Всех святых», которую использовал иконописец, и образ которой подсказал сам старец Амвросий: на упомянутой иконе Богородица и святые изображены сидящими на облаках.

На покровской иконе Богородица тоже изображена стоящей на облаке. Облако – образ Царства Небесного, из которого Богородица раскрывает Свой Небесный Покров над людьми, нуждающимися в Ее помощи.

На иконе «Спорительница хлебов» очень много голубого неба. Голубой – Богородичный цвет и цвет молитвенного настроения. Интересно, что здесь хитон (нижняя рубашка), не синего, как в канонических образах, а красного цвета, отражающий жертвенность Богородицы, Ее жертвенную любовь к людям. А сверху – темно-синий гиматий, отражающий Ее Божественность и бессмертие.

Отдельно от гиматия выписан накинутый на голову белый плат, чаще всего изображаемый на католических иконах: в западной церкви белый Плат Богородицы является одной из величайших святынь (Плат Шартра в Париже). В этой традиции белый Плат изображается в виде белого чепца, на который накинут Покров.

В православных иконах, однако, очень редко плат отделяют от гиматия (мафория). Белый цвет Плата подчеркивает небожительство Богородицы, Ее чистоту и непорочность. Вокруг главы – золотой нимб, заканчивающийся тоже белым, светящимся белизной облаков, ореолом, от которого исходят такие же белые яркие лучи, освящающие все поле.

Белый и золотой цвета усиливают друг друга, поскольку и тот и другой символизируют святость и Божественность. Богородица вся - в превосходной степени. Одежда Богородицы, складками струящаяся и ниспадающая вдоль ног, делает Ее фигуру воздушной, объемной, всепроникающей. Лик Богородицы просветленный, молящийся, сосредоточенный.

На старинной иконе Богородица босая, подчеркивающее Ее земное происхождение. Ее родственность с землей подчеркивается и одинаковым цветовым решением лика, рук, ног, земли, что делает Богородицу близкой нам и нашим земным нуждам. Земля по сравнению с небом и центральным образом Богородицы, занимает очень мало места, небольшая полоска.

Изображена она в виде хлебного поля, на котором идет уборка урожая, часть уже убрана в снопы, часть еще в поле. Цвет – светло коричневый, часто используемый при изображении земного мира. Столь малое место, которое в иконе занимает земля, говорит, что все земное – во власти Неба.

На самых ранних иконах «Спорительница хлебов» Богородица чуть-чуть поднимается над землей, почти сливаясь с ней, восседая на облаках того же цвета, как и пшеница, подчеркивая близость Пречистой к земным нуждам людей и Ее желание помочь им. Умирая, старец Амвросий оставил Шамардинскую обитель под покров Богородицы, благословив ее, сходя в могилу, этой иконой.

Перед смертью Амвросий просил делать фотографии с иконы и рассылать их своим чадцам и в монастыри. С 1891 года по молитвам перед иконой стали твориться чудеса: проходила засуха, собирался невиданный урожай, в амбарах всегда был хлеб. И сегодня по благочестивой традиции в каждом доме рекомендуется иметь эту икону, молиться перед ней и просить благоденствие дому.

В настоящее время место нахождение оригинала "Спорительницы хлебов" неизвестно, предположительно он находится в Литве.

Тина Гай

Related posts

coded by nessus

sotvori-sebia-sam.ru

Канон Пресвятей Богородице пред иконою Ея, нарицаемою Спорительница Хлебов

Тропарь , глас 3:

О, Пречи́стая Де́во Мари́е, / Ма́ти Царя́ небесе́ и земли́, / благоутро́бно призира́еши на лю́бящих Сы́на Твоего́, / Христа́ Бо́га на́шего, / и тружда́ющихся во и́мя Его́ / ве́чнаго ра́ди спасе́ния, / и подае́ши им вся оби́льно к наслажде́нию, / Спори́тельнице су́щи хлебо́в им, / избавля́я их вся́кия ну́жды и утесне́ния / и устроя́я им, рабо́м Твои́м су́щим, / избавле́ние ве́чныя му́ки и жизнь ве́чную.

Канон Пресвятыя Богородицы, глас 8.

Песнь 1.

Ирмос: Во́ду проше́д я́ко су́шу, / и еги́петскаго зла избежáв, / изрáильтянин вопия́ше: / избáвителю и Бо́гу на́шему пои́м.

Припев: Пресвята́я Богоро́дице, спаси́ нас.

Бо́жиею си́лою благоче́стно укрепи́ мя, / ра́достно сла́вити ико́ну Твою́, Пречи́стая, / заступле́ние гра́ду Твоему́, / и всем лю́дем Твои́м держа́ву неразруши́му, Пресвята́я, / и ста́ду Твоему́ утвержде́ние.

Благосты́ню и ми́лость почерпа́ем Твои́ми моли́твами: / Ты бо Бо́га Си́льнаго родила́ еси́, / спаса́ющая вся благове́рныя моле́нием Твои́м, Пренепоро́чная. / Его́же ра́ди Тя ублажа́ем вси, Влады́чице.

Слава: Твою́ святу́ю ико́ну, почита́юще, Пречи́стая Богоро́дице, / Тобо́ю спасе́ние нетле́нно дарова́ся, / и неразруши́мо весе́лие и наде́жда, покро́в и держа́ва, / и душа́м на́шим прибе́жище.

И ныне: Под Твой кров притека́ем, Влады́чице, / лю́дие Твои́, Пренепоро́чная, / Помо́щница бу́ди нам рабо́м Твои́м, / и спасе́нию проше́ние подаю́щи, / любо́вию пою́щим Тя.

Песнь 3.

Ирмос: Небе́снаго кру́га Верхотво́рче, Го́споди, / и Це́ркве Зижди́телю, / Ты ме́не утверди́ в любви́ Твое́й, / желáний крáю, ве́рных утвержде́ние, / еди́не Человеколю́бче.

Припев: Пресвята́я Богоро́дице, спаси́ нас.

Всечестну́ю Твою́ ико́ну, Пресвята́я Де́во Чи́стая, / а́нгел мно́жество на небесе́х, / и челове́ческий род на земли́ блажи́т: / я́ко Ма́ти бысть Творца́ всех Христа́ Бо́га. / Того́ моля́щи за ны не преста́й мо́лим Тя, / и́же на Тя с Бо́гом упова́ние возложи́хом, / Богоро́дица препе́тая и неискусобра́чная.

Освяща́еши благоче́стно, ве́рно притека́ющих ко хра́му Твоему́, / и припа́дающих любо́вию к ико́не Твое́й. / Изба́ви нас от вся́ких бед, / и побе́ды да́руй правосла́вным христиа́ном на пога́ныя, / и ми́лостива сотвори́ нам Сы́на Твоего́ и Бо́га на́шего.

Слава: Деви́ческаго Твоего́ чре́ва красе́н Клас я́влься, / израсти́ла бо еси́ ми́рови Жизнь. / Сего́ ра́ди си́лы Небе́сныя вопию́т Тебе́, Богоро́дице: ра́дуйся, Благода́тная, Госпо́дь с Тобо́ю.

И ныне: Ра́достными душа́ми, и в весе́лии се́рдца / прии́мше ум к Твоему́ честно́му и свято́му о́бразу, / и вси ве́рнии мо́лим Тя, Богоро́дице, / я́ко Пречи́стому Сы́ну Твоему́ млеко́ подала́ еси́, / И́же нас пита́вый ми́лостию Свое́ю.

Го́споди, поми́луй, трижды.

Седален, глас 4:

Це́рковь Твоя́ све́тло пра́зднует Твоего́ сла́внаго о́браза явле́ние, / и вси ве́рнии, пою́ще, зове́м Ти приле́жно, Чи́стая Де́во: / вся ве́рныя укрепи́ на вра́жию си́лу, и сове́ты беззако́нных разори́: / и живо́т наш напра́ви, твори́ти Боже́ственную во́лю Сы́на Твоего́.

Песнь 4.

Ирмос: Услы́шах, Го́споди, / смотре́ния Твоего́ тáинство, / разуме́х дела́ Твоя́ / и прослáвих Твое́ Божество́.

Припев: Пресвята́я Богоро́дице, спаси́ нас.

Ты у́бо, Де́во Чи́стая, / к Све́ту незаходи́мому прише́дши помяни́ нас, / моля́щи Сы́на Твоего́ и Бо́га на́шего, / Твою́ честну́ю ико́ну пра́зднующих, / пода́ти грехо́в оставле́ние.

Я́коже со́лнце светоза́рное, не́бо преходя́ще сия́ет, / и Твой Боже́ственный лик лучи́ испуща́ет, / страсте́й же мглу от нас отгоня́я, / да́рует душа́м на́шим очище́ние и от бед свобожде́ние.

Слава: Ны́не мрак зло́бный потреби́ся, / и со́лнечный и душе́вный свет возсия́, / Всенепоро́чныя Бо́жия Ма́тере, / пра́здник честна́го о́браза его́же благоче́стно пра́зднуем.

И ныне: Прибе́жище вели́кое и похвала́, / Пречи́стая и Пренепоро́чная Ма́ти всепе́тая. / Ты киво́т у́мныя святы́ни, / Ты целе́б исто́чник неисчерпа́емый, / чту́щих Тя покрыва́й от вся́каго зла.

Песнь 5.

Ирмос: Вску́ю мя отри́нул еси́ / от лица́ Твоего́, Све́те незаходи́мый, / и покры́ла мя есть чужда́я тьма, окая́ннаго? / Но обрати́ мя / и к све́ту за́поведей Твои́х / пути́ моя́ напра́ви, молю́ся.

Припев: Пресвята́я Богоро́дице, спаси́ нас.

Исполня́ется святы́ни вся́ческая, к Тебе́ прибега́ющим, / и проще́ние ве́рнии прие́млюще, / пра́зднуем Твою́ святу́ю ико́ну, / и мо́лим Тя, Пречи́стая, / пода́ти нам благода́ть и ми́лость в день су́дный.

Вельми́ добро́тою укра́си Тя Бог, / я́ко в челове́цех свет на руку́ Твое́ю, / Я́же еди́на во све́те Его́, упова́ние христиа́ном, / помо́щница су́щим в ну́ждах и ско́рбех, / и приста́нище в пучи́не тружда́ющимся, / моли́ изба́витися от напа́стей, / любо́вию чту́щия ико́ну Твою́.

Слава: Я́ко други́й рай всем познава́ется, / стяжа́вый посреде́ благоуха́ния цвет, / Твой честны́й пра́здник, / Бо́жиим благоуха́нием ве́рных сердца́ исполня́ет, / и́же любо́вию чту́щих Тя, Пренепоро́чная Влады́чице.

И ныне: О́блак была́ еси́, Де́во, дождю́ Бо́жию, / Пренепоро́чная Влады́чице, / во́ду спаси́тельную испуща́ющи, / зе́млю грехми́ изсо́хшую напои́вши, / приводя́щи плод творе́нию доброде́тели, / сего́ ра́ди ублажа́ем Тя.

Песнь 6.

Ирмос: Очи́сти мя, Спа́се, / мно́га бо беззако́ния моя́, / и из глубины́ зол возведи́, молю́ся: / к Тебе́ бо возопи́х, и услы́ша мя, / Бо́же спасе́ния моего́.

Припев: Пресвята́я Богоро́дице, спаси́ нас.

Пре́жде всех век Су́щаго, я́ко отроча́ родила́ еси́, / и на́ша сердца́ обнови́ла еси́, мно́гими грехи́ обетша́вшая: / и обновле́ние приими́ на́шего пе́ния, / принося́ще Твоему́ пра́зднику, Богоро́дице Присноде́во.

Де́ва Мари́я Богоро́дица вои́стинну, / я́ко о́блак све́тлый нам возсия́. / Ктому́ Ада́м не осужда́ется, и Е́ва от уз свободи́ся. / Сего́ ра́ди и мы зове́м, вопию́ще с дерзнове́нием еди́ней чи́стей: / Пресвята́я Де́во, моли́ Сы́на Твоего́, пода́ти грехо́в оставле́ние.

Слава: Душа́ вся́ка весели́тся, соше́дшеся в це́рковь Твою́, / и пред ико́ной Твое́й взыва́юще, Де́во Богоро́дице, / всех и нас озари́, и просвети́ сердца́ на́ша, / Де́во Ма́ти Влады́чице.

И ныне: Днесь Небе́сная врата́ отверза́ются, / и дверь Боже́ственная предгряде́т. / Днесь ра́дости благода́ть начина́ется, / явля́юще ми́рови ико́ну Бо́жия Ма́тере, / к Не́йже вси ве́рнии возопи́им: / ра́дуйся, Благода́тная, Госпо́дь с Тобо́ю.

Го́споди, поми́луй, трижды. Сла́ва, и ны́не:

Кондак, глас 6:

Предстáтельство христиа́н непосты́дное, / ходáтайство ко Творцу́ непрело́жное, / не пре́зри гре́шных моле́ний глáсы, / но предвари́, я́ко Благáя, на по́мощь нас, / ве́рно зову́щих Ти; / ускори́ на моли́тву, и потщи́ся на умоле́ние, / предстáтельствующи при́сно, Богоро́дице, чту́щих Тя.

Икос:

К Богоро́дице вопие́м любо́вию: / ра́дуйся, гра́де Госпо́день, / ра́дуйся, ски́птре Дави́дов, / ра́дуйся, пала́то одушевле́нная, / ра́дуйся, ру́чко Боже́ственныя ма́нны, / ра́дуйся, неопали́мая купино́, / ра́дуйся, све́щниче златы́й, / ра́дуйся, свеще́ неугаси́мая, / ра́дуйся, горо́ Бо́жия приосене́нная, / ра́дуйся, огнено́сный престо́ле, / ра́дуйся, ле́ствице и дверь Небе́сная, / ра́дуйся, же́зле Ааро́нов невла́жно прозябы́й, / ра́дуйся, всех спаса́ющи от вся́ких бед и скорбе́й, / и моли́, Пречи́стая, Сы́на Твоего́, / получи́ти нам ми́лость в день су́дный.

Песнь 7.

Ирмос: Бо́жия снизхожде́ния / огнь устыде́ся в Вавило́не иногда́, / сего́ ра́ди о́троцы в пещи́, ра́дованною ного́ю, / я́ко во цве́тнице, лику́юще, поя́ху: / благослове́н еси́, Бо́же оте́ц на́ших.

Припев: Пресвята́я Богоро́дице, спаси́ нас.

Цари́ца всех прише́дши, / Небе́сный кров на сла́ву нам уста́ви, / притека́ющих к ико́не Твое́й святе́й, / ею́же спаса́емся от неви́димых враг нахожде́ния, / к Сы́ну Твоему́ вопию́ще: / благослове́н Бог оте́ц на́ших.

Рождество́м Твои́м, госпоже́ Богоро́дице Де́во, / и все́ми Твои́ми пра́здники, круг ле́та венча́ся, / и ны́не украси́ день честны́я Твоея́ ико́ны, благода́ть источа́ющи, / мы же вси ве́рнии во храм Твой притека́юще.

Слава: Вся си́лы Небе́сныя восхваля́ют Ро́ждшую Го́спода, / и ро́ди челове́честии прославля́ют Ю́ и ра́достно взыва́ют: / о, прибе́жище на́ша, наде́ждо и покро́в, / и огражде́ние от вра́жиих нахожде́ний.

И ныне: Благода́тный о́блаче, окропи́ нас свы́ше / росо́ю благода́ти и ми́лости Твоея́, / чту́щих день пра́здника Твоея́ святы́я ико́ны, / е́же почита́ет, пое́т и сла́вит вся́ка душа́ ра́дующися: / благослове́на Ты в жена́х и благослове́н Плод чре́ва Твоего́.

Песнь 8.

Ирмос: Безнача́льнаго Царя́ сла́вы, / Его́же трепе́щут Небе́сныя си́лы, / по́йте, свяще́нницы, / лю́дие, превозноси́те во вся ве́ки.

Припев: Пресвята́я Богоро́дице, спаси́ нас.

Цари́ца еси́ всех еди́на Бо́гу, Богороди́тельнице Чи́стая, / святы́й престо́л и пала́та Христа́ Бо́га, / Его́же моли́ о чту́щих Твою́ честну́ю ико́ну, / пода́ти грехо́в оставле́ние.

Рука́ми святы́ми и́стинно понесла́ еси́, / в Тебе́ воплоти́вшагося Го́спода, на земли́, Пресла́вная, / и ны́не восшла́ еси́ превы́ше небе́с, / и оста́вльши челове́ком пресве́тлый о́браз Твой, / моли́ Сы́на Твоего́ и Бо́га на́шего / пода́ти нам оставле́ние грехо́в.

Слава: Боже́ственнии игра́йте проро́цы, / чту́ще Де́вы Богоро́дицы ико́ну, Та бо испо́лни всех рече́ния, / ва́ми сказу́емаго, ро́ждши Христа́ всех Царя́, / Его́же превозно́сим во ве́ки.

И ныне: Па́дшим воста́ние, уныва́ющим ра́дование, заблу́ждшим наста́внице, / боля́щим посеще́ние и исцеле́ние, и всем христиа́ном спасе́ние; / соблюди́ нас, Госпоже́, вопию́щих и чту́щих ико́ну Твою́, / и изба́ви нас от вся́ких бед.

Песнь 9.

Ирмос: Устраши́ся всяк слух / неизрече́нна Бо́жия снизхожде́ния, / я́ко Вы́шний во́лею сни́де да́же и до пло́ти, / от деви́ческаго чре́ва быв Челове́к. / Те́мже Пречи́стую Богоро́дицу, ве́рнии, велича́ем.

Припев: Пресвята́я Богоро́дице, спаси́ нас.

Пресла́вная глаго́лашася о Тебе́, Гра́де Бо́жий, / и при́сно ца́рствующаго Небе́сными и земны́ми, от Тебе́ Ро́ждшагося, / и от земли́ Тя на Не́бо возве́дша; / Ему́же непреста́нно моли́ся о чту́щих пресла́внаго ли́ка Твоего́ изображе́ние, / с ни́мже Тя велича́ем.

Безпло́тных чи́нове, патриа́рх собо́р, / и апо́столов Боже́ственный соста́в, / проро́ческий лик, и му́ченичестии полцы́, / святи́телей и преподо́бных оте́ц ли́ки, / и вси святи́и, весели́теся с на́ми, / пра́зднующе Бо́жия Ма́тере честну́ю ико́ну и велича́юще.

Слава: Вся́ческая освяти́ла еси́ Рождество́м Твои́м, Пречи́стая Де́во, / и яви́ла еси́ бо́льшее просвеще́ние, / пречестны́й день о́браза Твоего́, / его́же пра́зднующе, Тебе́ велича́ем.

И ныне: Вознеси́ рог правосла́вных христиа́н, / и низложи́ иноплеме́нных шата́ния, Богороди́тельнице Пречи́стая, / невоева́ны соблюди́ гра́ды Твоя́, / и вся страны́ христиа́нския сохрани́, / в ни́хже вели́кое Твое́ и́мя и многосла́вное велича́ется, / и ве́рно сла́вится от всех, Влады́чице Чи́стая.

Светилен, глас 8:

Богоро́дицу Мари́ю вси воспои́м: / ра́дуйся, Ма́ти Бо́жия, / ра́дуйся, ле́ствице одушевле́нная и разу́мная, / ра́дуйся, купино́ неопали́мая, / ра́дуйся, ста́мно всесвята́я, / ра́дуйся, цве́те ве́ры, / ра́дуйся, же́зле прозя́бший, / ра́дуйся, злата́я кади́льнице, / ра́дуйся, горо́ Бо́жия приосене́нная Де́во, / ра́дуйся, разреше́ние пе́рвыя Е́вы, / ра́дуйся, престо́ле Бо́жий, / ра́дуйся, благода́тная, Госпо́дь с Тобо́ю, / пода́ждь и нам, недосто́йным, ро́су благода́ти Твоея́ / и яви́ милосе́рдие Твое́.

Молитва:

Пресвята́я Де́во Богоро́дице, преми́лостивая Влады́чице, Цари́це Небесе́ и земли́, вся́каго до́ма и семе́йства христиа́нскаго благоустрои́тельнице, тружда́ющихся благослове́ние, нужда́ющихся неистощи́мое бога́тство, си́рых и вдови́ц и всех люде́й корми́тельнице и пита́тельнице, ро́ждшая Пита́теля вселе́нныя и спори́тельнице хлебо́в на́ших! Ты, Влады́чице, низпосыла́еши Твое́ Ма́тернее благослове́ние гра́дом на́шим, се́лам и ни́вам, и коему́ждо до́му, на Тя упова́ние иму́щему. Те́мже с благогове́йным тре́петом и сокруше́нным се́рдцем смире́нно мо́лим Тя: бу́ди и нам, гре́шным и недосто́йным рабо́м Твои́м, му́драя домострои́тельнице, житие́ на́ше до́бре устроя́ющая. Вся́кий дом и семе́йство во благоче́стии и правосла́вии, единомы́слии, послуша́нии и дово́льстве соблюди́, ни́щия и неиму́щия пропита́й, ста́рость поддержи́, младе́нцы воспита́й, всех вразуми́ преи́скренне взыва́ти ко Го́споду: хлеб наш насу́щный даждь нам днесь. Сохрани́, Пречи́стая Ма́ти, лю́ди Твоя́ от вся́кия ну́жды, боле́зни, гла́да, губи́тельства, гра́да, огня́, от вся́каго зла́го обстоя́ния и вся́каго нестрое́ния. Оби́тели на́шей, дома́м и семе́йствам и вся́кой души́ христиа́нстей и всей стране́ на́шей исхода́тайствуй мир и ве́лию ми́лость, да сла́вим Тя, преми́лостивую пита́тельницу и корми́тельницу на́шу, ны́не и при́сно и во ве́ки веко́в. Аминь

xn----7sbahbba0chrecjllhdbcuymu3s.xn--p1ai

Акафист Пресвятой Богородице пред иконой «Спорительница хлебов» — Акафистник

Конда́к 1.

Избра́нней от все́х родо́в Бо́жией Ма́тери и Влады́чице Небеси́ и земли́, избавля́ющей на́с от вся́кия ну́жды, благода́рственное прино́сим пе́ние. Ты́ же, Всеми́лостивая Госпоже́ Богоро́дице, приими́ на́ше усе́рдное моле́ние, сохрани́ на́с от гла́да и па́губы, да́руй земли́ на́шей плодоно́сие, Пита́тельнице и Спори́тельнице ни́в и хле́бов на́ших, да ра́дующеся всегда́ зове́м Ти́:

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

И́кос 1.

А́нгелов Творе́ц избра́ Тя́, Влады́чице, к благода́тному челове́ков спасе́нию и дарова́ Тя́ Помо́щницу лю́дем, избавля́ющую на́с от гла́да и вся́ких напа́стей, житие́ на́ше до́бре устроя́ющую во вся́ком ми́ре и дово́льстве. Те́мже со умиле́нием взыва́ем Ти́:

Ра́дуйся, благода́тное челове́ков избавле́ние от вся́кия ну́жды; ра́дуйся, достоя́нию Твоему́ по́мощь и заступле́ние.

Ра́дуйся, христолюби́выя лю́ди от бе́д спаса́ющая; ра́дуйся, а́лчущих Пита́тельнице.

Ра́дуйся, си́рых Засту́пнице; ра́дуйся, наги́х одея́ние.

Ра́дуйся, израсти́вшая на́м Пло́д Живота́; ра́дуйся, Спа́са ро́ждшая ду́ш на́ших.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 2.

Ви́дев Сы́н Тво́й, Богома́ти, вели́кое Твое́ к лю́дем милосе́рдие, глаго́лет к Тебе́: Проси́, Ма́ти Моя́, зане́ не отвращу́ся Тебе́, но испо́лню вся́ проше́ния Твоя́. Мы́ же, прославля́ющие сие́ ди́вное промышле́ние о ро́де челове́ческом, вопие́м Бо́гу: Аллилу́иа.

И́кос 2.

Ра́зум небе́сный дарова́ся благочести́вому ста́рцу Амвро́сию, наста́ви его́ сооруди́ти во оби́тели и́м созда́нной, ико́ну Пресвяты́я Богоро́дицы и нарещи́ ю́ «Спори́тельница хле́бов», я́ко Ты́, Пресвята́я Де́во, спаса́еши лю́ди Твоя́ от гла́да, да́руеши земли́ плодоно́сие, посыла́еши до́ждь ра́нний и по́здний на ни́вы и по́ля на́ша, защища́еши лю́ди Твоя́ от смертоно́снаго вре́да и па́губы. Те́мже вопие́м Тебе́ такова́я:

Ра́дуйся, Де́во, христиа́н похвало́; ра́дуйся, я́ко Тя́ блажа́т вси́ ро́ди.

Ра́дуйся, я́ко Ты́ благословля́еши и споря́еши хле́бы на́ша; ра́дуйся, я́ко Ты́ избавля́еши на́с от гла́да.

Ра́дуйся, пита́ющая на́с хле́бом жи́зни; ра́дуйся, млеко́м пита́вшая Пита́теля Вселе́нныя.

Ра́дуйся, Плода́ Безсме́ртнаго стяжа́ние; ра́дуйся, Сади́теля жи́зни на́шея ро́ждшая.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 3.

Си́лою свы́ше укрепи́ на́с, Благода́тная Влады́чице, во дни́ гла́да и па́губы, да не поги́бнем лю́те без покая́ния во уны́нии и отча́янии, но утверди́ и наста́ви на́с в терпе́нии и благоугожде́нии Бо́гу, да разуме́ем в напа́стех и ско́рбех во́лю Его́ святу́ю, благу́ю и соверше́нную, непреста́нно хваля́ Бо́га и взыва́я Ему́: Аллилу́иа.

И́кос 3.

Име́я любо́вь ве́лию к лю́дям, искупле́нным Честно́ю Кро́вию Сы́на Твоего́ и Бо́га, Богома́ти Пречи́стая, прия́ла еси́ от Него́ вла́сть устроя́ти и покрыва́ти ро́д христиа́нский. Ты́ бо бе́дствующим Помо́щнице еси́ ско́рая, градо́м и ве́сем, се́лом и ни́вам, и всему́ ми́ру Покро́в. Тебе́, Милосе́рдой и Боголюби́вой Ма́тери на́шей, устроя́ющей и направля́ющей ко спасе́нию земну́ю жи́знь на́шу, смиренному́дренно глаго́лем:

Ра́дуйся, Блага́го Сы́на Блага́я Ма́ти; ра́дуйся, непреста́нно моля́щаяся о спасе́нии и поми́ловании на́с гре́шных.

Ра́дуйся, о все́м ми́ре христиа́нстем к Бо́гу Хода́таице; ра́дуйся, бла́г вся́ческих Всеблага́я Пода́тельнице.

Ра́дуйся, плене́нных и в темни́цех заключе́нных Пита́тельнице; ра́дуйся, те́ла моего́ здра́вие и души́ моея́ спасе́ние.

Ра́дуйся, я́ко ра́й пи́щный процвета́еши; ра́дуйся, я́ко приста́нище душа́м гото́виши.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 4.

Бу́ря проти́вных ве́тров, егда́ на́йдет на на́с внеза́пно, гро́мы и мо́лнии, гра́д и вода́ мно́гая устреми́тся на зе́млю, тогда́, Госпоже́ Всеми́лостивая, ускори́ на по́мощь на́м безпомо́щным, защити́ и изба́ви на́с от дожде́внаго лия́ния, его́же сотвори́хомся досто́йни гре́х ра́ди на́ших, и да бу́дут по́ля и ни́вы невреди́мы от си́х, и да не потопи́т на́с бу́ря водна́я. Тебе́ бо гре́шнии и́мамы Засту́пницу непосты́дную, на Тя́ упова́ние на́ше возлага́ем и, прославля́юще си́лу моли́тв Твои́х, Ро́ждшемуся от Тебе́ Спа́су ми́ра зове́м: Аллилу́иа.

И́кос 4.

Слы́шаще и ви́дяще Твое́ сострада́ние, Влады́чице, к бе́дствующим и ги́бнущим лю́дем, мы́, гре́шнии, прибега́ем к Тебе́ и мо́лимся: О, Пресвята́я Де́во, услы́ши на́с гре́шных, и во дни́, егда́ со́лнце изсуши́т зе́млю и от су́хости зно́й бу́дет, и прозябе́ния земна́я начну́т увяда́ти, тогда́, Влады́чице, ро́су благода́ти Твоея́ низпосли́ на тре́бующия и прося́щия ми́лости, возвесели́ лице́ земли́, ни́щих ра́ди люде́й Твои́х, младе́нец, и ското́в, и ины́х все́х, и́же ча́ют да́ти и́м пи́щу во бла́го вре́мя, и от святы́я ико́ны Твоея́ «Спори́тельницы» яви́ милосе́рдие Твое́ вопию́щим Тебе́ такова́я:

Ра́дуйся, Моли́твеннице неусыпа́ющая ко Христу́ Бо́гу, на ми́лость к на́м Его́ преклоня́ющая; ра́дуйся, ка́ру Бо́жию за беззако́ния на́ша от гла́в на́ших отводя́щая.

Ра́дуйся, Ма́терним покро́вом Твои́м от вся́ких несча́стий на́с охраня́ющая; ра́дуйся, поля́ и ни́вы на́ша от запале́ния со́лнечнаго спаса́ющая.

Ра́дуйся, Всеми́лостивая Услы́шательнице гласо́в на́ших моле́бных в ско́рби и обстоя́нии; ра́дуйся, жили́ща на́ша от огня́ спаса́ющая.

Ра́дуйся, Держа́вная Скоропомо́щнице на́ша во дни́ тя́жких испыта́ний; ра́дуйся, от все́х бе́д бы́строе избавле́ние.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 5.

Боготе́чная звезда́, ико́на Твоя́, Богома́ти, лю́дем, прося́щим хле́ба насу́щнаго, немерца́емо сия́ет, покро́вом бо Твоея́ ми́лости соблюда́еши поля́ и ни́вы на́ша и плодоноси́ти и́х устроя́еши, подвиза́я ве́рныя вопи́ти Христу́ Бо́гу: Аллилу́иа.

И́кос 5.

Ви́дя Тя́ Сы́н Тво́й при Кресте́ стоя́щую с возлю́бленным ученико́м, глаго́лет Тебе́: Же́но, се́ Сы́н Тво́й. И ученику́: Се́ Ма́ти твоя́, — всыновля́я Тебе́ вся́ ве́рующия в Него́. Мы́ же, ча́да Твоя́ су́щия, на Тво́й покро́в наде́ющеся, Тебе́, я́ко Ма́тери на́шей, глаго́лати дерза́ем:

Ра́дуйся, Судии́ Пра́веднаго умоле́ние; ра́дуйся, грехо́в на́ших проще́ние.

Ра́дуйся, Наде́ждо на́ша изве́стная; ра́дуйся, упова́ние на́ше непосты́дное.

Ра́дуйся, скорбе́й на́ших разреше́ние; ра́дуйся, печа́лей на́ших утоле́ние.

Ра́дуйся, пла́мене страсте́й изменя́ющая; ра́дуйся, все́х родо́в весе́лие.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 6.

Пропове́дует Це́рковь Христо́ва чудеса́ Твоя́, Богороди́тельнице, от восто́к бо до за́пад хва́льно И́мя Твое́, и не́сть гра́да или́ страны́, иде́же не соверша́шеся Тобо́ю де́йство Си́лы Бо́жия, во избавле́ние и спасе́ние, просвеще́ние и исцеле́ние люде́й христоимени́тых, наипа́че же чрез ико́ны Твоя́ святы́я обы́кла еси́ чудотвори́ти, излива́ющи от ни́х струи́ ми́лостей и щедро́т бе́дствующему и тре́бующему по́мощи челове́честву. Сего́ ра́ди славосло́вяще Тя́, Сы́ну Твоему́ и Бо́гу на́шему вопие́м: Аллилу́иа.

И́кос 6.

Возсия́ла еси́ от И́стиннаго Со́лнца заря́, Де́во Богоотрокови́це, просвеща́еши ду́ши все́х, томи́мых гла́дом душе́вным, рече́ бо Госпо́дь: Не о хле́бе еди́ном жи́в бу́дет челове́к, но о вся́ком глаго́ле, исходя́щем из у́ст Бо́жиих. Но помрачи́шася о́чи на́ша и окамене́ша сердца́ на́ша и не ви́дим очи́ма свои́ма и не разуме́ем се́рдцем суде́б Бо́жиих. Томи́мыя душе́вным гла́дом, к Тебе́ прибега́ем, Пречи́стая Де́во, и про́сим Сло́вом Жи́зни утоли́ти гла́д душе́вный на́с, вопию́щих Тебе́ такова́я:

Ра́дуйся, от убо́жества душе́внаго на́с воздвиза́ющая; ра́дуйся, пита́ющая на́с Сло́вом Жи́зни.

Ра́дуйся, трапе́зо Пресвята́я, Хле́б Жи́зни носи́вшая; ра́дуйся, Пи́ще, ма́нны прие́мнице.

Ра́дуйся, земле́ Блага́я, Кла́с Боже́ственный израсти́вшая; ра́дуйся, ни́во, растя́щая многопло́дие щедро́т.

Ра́дуйся, ка́меню напои́вший жа́ждущия жи́зни; ра́дуйся, ми́лость сугу́бо на́м подаю́щая.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 7.

Хотя́щи жа́ти спасе́ние, я́ко село́ сла́дкое показа́лася еси́ Влады́чице, от Него́же пита́ющеся, и́мамы пи́щу ве́чную и нетле́нную. Мы́ же, земни́и су́ще, мо́лим Тя́, Пречи́стая Де́во, покажи́ си́лу Твою́ на жа́тве ни́в и поле́й на́ших, егда́ прии́дет вре́мя и́х, и вся́к зла́к да изоби́лует на утеше́ние на́с, пою́щих Бо́гу: Аллилу́иа.

И́кос 7.

Ди́вно просла́вилася еси́, Богома́ти, в защище́нии люде́й правосла́вных. Возстаю́щии бо на Бо́га не позна́ют, ко́ль си́льна е́сть моли́тва Бо́жией Ма́тери. Мы́ же о Твое́м всемо́щнем заступле́нии, по́мощи и благослове́нии до́бре ве́дуще, си́це к Тебе́ со умиле́нием зове́м:

Ра́дуйся, чи́стых рука́ми и се́рдцем земледе́льцев благослове́нными плода́ми венча́ющая; ра́дуйся, бе́дствующим среди́ напа́стей и трудо́в внеза́пное вспоможе́ние.

Ра́дуйся, безма́терних сиро́т незри́мая Воспита́тельнице; ра́дуйся, Помо́щнице все́х безпомо́щных.

Ра́дуйся, Корми́тельнице вдо́в и сиро́т; ра́дуйся, подаю́щая си́лу, пи́щу и отра́ду боля́щим и разсла́бленным.

Ра́дуйся, оде́ждо наги́х дерзнове́ния; ра́дуйся, мно́гих согреше́ний проще́ние.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 8.

Я́коже дре́вле соде́йствовала еси́ схожде́нию на зе́млю Спаси́теля ми́ра, си́це и ны́не, я́ко со́лнце светоза́рное, восхо́диши над созрева́ющей ни́вой, предше́ствуя прихо́ду Господи́на с жа́тели. Тому́ и мы́ со стра́хом вопие́м: Аллилу́иа.

И́кос 8.

Все́ упова́ние на́ше на Тя́ возлага́ем, Ма́ти Бо́жия, и в ско́рбех на́ших ко святе́й ико́не Твое́й «Спори́тельнице» усе́рдно притека́ем, ча́юще получи́ти от Тебе́ утеше́ние благода́тное и вспоможе́ние во оскуде́нии и нищете́ на́шей, взыва́ем Ти́:

Ра́дуйся, ми́лости превели́кия сокро́вище; ра́дуйся, пи́ще и утеше́ние к Тебе́ прибега́ющих.

Ра́дуйся, хле́бе неснеда́емый а́лчущих; ра́дуйся, бы́строе ни́щих услы́шание.

Ра́дуйся, скорбя́щих от гла́да и ну́жды прия́тное попече́ние; ра́дуйся, к Све́ту Непристу́пному на́с извлача́ющая.

Ра́дуйся, ключу́ Ца́рствия Христо́ва; ра́дуйся, Наде́ждо бла́г ве́чных.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 9.

Вси́ лю́дие дивя́тся вели́чию чуде́с Твои́х, Пресвята́я Де́во, излива́емых Тобо́ю от святы́х Твои́х ико́н, я́ко все́м да́руеши по коему́ждо проше́нию, устроя́еши до́мы на́ша, посыла́еши благослове́ние земледе́льцем и дае́ши лю́дем вся́кое дово́льство. Те́мже вопие́м Сы́ну Твоему́: Аллилу́иа.

И́кос 9.

Вити́я многовеща́нныя не мо́гут воспе́ти чуде́с Твои́х, Богома́ти Влады́чице, я́ко все́м конце́м земли́ простира́еши ру́ку по́мощи и низпосыла́еши ве́рным земли́ плодоно́сие, благорастворе́ние возду́хов и вся́кое изоби́лие плодо́в и бла́г земны́х. Мы́ же во смире́нии свое́м испове́дающе Твое́ вели́кое заступле́ние о на́с гре́шных и непреста́нную по́мощь в ну́ждах на́ших вопие́м Ти́:

Ра́дуйся, досто́йно восхваля́емая от Арха́нгел и А́нгел; ра́дуйся, велича́емая от все́х Небе́сных Си́л.

Ра́дуйся, Честне́йшая Херуви́м; ра́дуйся, Сла́внейшая без сравне́ния Серафи́м.

Ра́дуйся, Влады́чице Не́ба и земли́; ра́дуйся, Роди́тельнице Ве́чнаго Царя́.

Ра́дуйся, ве́рная Рабо́ Госпо́дня; ра́дуйся, ублажа́емая на Небеси́ и на земли́.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 10.

Спаси́тельное прибе́жище в ско́рбех и напа́стех Ты́ еси́, Богоро́дице, те́мже испроси́ у Сы́на Твоего́ и Бо́га на́шего ми́лости на́м гре́шным, пою́щим: Аллилу́иа.

И́кос 10.

Стена́ еси́ похваля́ющим чудеса́ Твоя́, Богоро́дице Де́во, и все́м с ве́рою притека́ющим и поклоня́ющимся Тебе́ и ико́не Твое́й «Спори́тельница хле́бов» имену́емой и глаго́лющим:

Ра́дуйся, неистощи́мый исто́чниче ми́лостей и щедро́т; ра́дуйся, любве́ Боже́ственныя проявле́ние.

Ра́дуйся, чуде́с пресла́вных соверше́ние; ра́дуйся, тружда́ющихся и обремене́нных сла́дкий поко́е.

Ра́дуйся, терпели́вых страда́льцев дара́ми благода́тными ущедря́ющая; ра́дуйся, о хра́мех Бо́жиих попече́ние иму́щих духо́вною ра́достию утеша́ющая.

Ра́дуйся, несумне́нная на́ша Наде́ждо; ра́дуйся, ти́хое и до́брое Приста́нище.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 11.

Пе́ние на́ше не пре́зри, Пресвята́я Де́во, и сокро́вище любве́ Твоея́ не затвори́ от на́с; ще́друю ру́ку Твоея́ по́мощи простри́ на́м, да прославля́ющи ми́лости и чудеса́ Твоя́, пое́м Триеди́ному Бо́гу: Аллилу́иа.

И́кос 11.

Све́тлыми луча́ми чуде́с Твои́х просвеща́еши ве́сь ми́р христиа́нский и заступа́еши лю́ди правосла́вныя, искупле́нныя кро́вию Сы́на Твоего́, те́мже припа́дающе ко свято́му о́бразу Твоему́, на не́мже зри́м Тя́, Богома́ти, на возду́се над поля́ми и ни́вами на́шими благословля́ющую со́бранныя снопы́ хле́ба, мо́лим Тя́, Всеми́лостивая Влады́чице, ро́д челове́ческий, осужде́нный в по́те лица́ сне́сти хле́б, в боле́знех роди́ти и в печа́лех пита́ти ча́да своя́, ми́лостивно пощади́ и заступи́. Да́руй на́м здра́вие и благомо́щие, да пита́емии Тобо́ю, от си́лы в си́лу возраста́ти бу́дем и вси́ испо́лнимся ра́дости и утеше́ния от щедрода́тельныя десни́цы любве́ Твоея́, зову́ще Тебе́:

Ра́дуйся, младе́нцев Млекопита́тельнице; ра́дуйся, устна́ми дете́й хвалу́ Бо́гови соверша́ющая.

Ра́дуйся, Росо́ Небото́чная в зно́е трудо́в су́щим; ра́дуйся, подава́ющая тре́бующим благоустрое́ние.

Ра́дуйся, уготовля́ющая прося́щим изоби́лие; ра́дуйся, мно́гажды проше́ния предваря́ющая.

Ра́дуйся, печа́льных Утеше́ние; ра́дуйся, скорбя́щих весе́лие.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 12.

Благода́тную по́мощь низпосли́ на́м, Ма́ти Бо́жия, и егда́ изы́де се́яй се́яти, да не паду́т се́мена при пути́ или́ посреде́ те́рния, или́ на ка́мени, но на земли́ до́брей. Сотвори́ восхо́д и́х, да произрасти́т земля́ пло́д стори́цею, и мы́ вси́ в ра́дости се́рдца благода́рными усты́ вопие́м Бо́гу: Аллилу́иа.

И́кос 12.

Пою́ще чудеса́ Твоя́ и ми́лости, Влады́чице Богоро́дице, хва́лим Тя́ вси́, я́ко вои́стину еси́ на́ша Помо́щнице, Засту́пнице, Пита́тельнице и Домострои́тельнице, житие́ на́ше ко спасе́нию устроя́ющая. Те́мже вопие́м Ти́:

Ра́дуйся, бога́тство нетле́нное на́м подава́ющая; ра́дуйся, бра́шно неги́блющее а́лчущим пра́вды.

Ра́дуйся, питие́ неисчерпа́емое жа́ждущим жи́зни; ра́дуйся, я́ко ра́й пи́щный процвета́еши.

Ра́дуйся, ве́рных спаси́тельное прибе́жище; ра́дуйся, Покро́ве ми́ру ши́рший о́блака.

Ра́дуйся, ненаде́жных наде́яние; ра́дуйся, отча́янных спасе́ние.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 13.

О, Всепе́тая Ма́ти, ро́ждшая все́х святы́х Святе́йшее Сло́во! Ны́нешнее на́ше прие́мши приноше́ние, изба́ви лю́ди, к Тебе́ прибега́ющия, от вся́кия ну́жды, гла́да душе́внаго и теле́снаго, смертоно́сных боле́зней и вся́каго зла́ и ве́чныя изми́ му́ки, да с ли́ки а́нгельскими непреста́нно пое́м Бо́гу: Аллилу́иа.

И́кос 1.

А́нгелов Творе́ц избра́ Тя́, Влады́чице, к благода́тному челове́ков спасе́нию и дарова́ Тя́ Помо́щницу лю́дем, избавля́ющую на́с от гла́да и вся́ких напа́стей, житие́ на́ше до́бре устроя́ющую во вся́ком ми́ре и дово́льстве. Те́мже со умиле́нием взыва́ем Ти́:

Ра́дуйся, благода́тное челове́ков избавле́ние от вся́кия ну́жды; ра́дуйся, достоя́нию Твоему́ по́мощь и заступле́ние.

Ра́дуйся, христолюби́выя лю́ди от бе́д спаса́ющая; ра́дуйся, а́лчущих Пита́тельнице.

Ра́дуйся, си́рых Засту́пнице; ра́дуйся, наги́х одея́ние.

Ра́дуйся, израсти́вшая на́м Пло́д Живота́; ра́дуйся, Спа́са ро́ждшая ду́ш на́ших.

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Конда́к 1.

Избра́нней от все́х родо́в Бо́жией Ма́тери и Влады́чице Небеси́ и земли́, избавля́ющей на́с от вся́кия ну́жды, благода́рственное прино́сим пе́ние. Ты́ же, Всеми́лостивая Госпоже́ Богоро́дице, приими́ на́ше усе́рдное моле́ние, сохрани́ на́с от гла́да и па́губы, да́руй земли́ на́шей плодоно́сие, Пита́тельнице и Спори́тельнице ни́в и хле́бов на́ших, да ра́дующеся всегда́ зове́м Ти́:

Ра́дуйся, Благода́тная, Госпо́дь с Тобо́ю, пода́ждь и на́м, недосто́йным, ро́су благода́ти Твоея́ и яви́ милосе́рдие Твое́.

Моли́тва.

О, Пресвята́я Де́во Богоро́дице, Преми́лостивая Влады́чице, Цари́це Небесе́ и земли́, вся́каго до́ма и семе́йства христиа́нскаго Благоустрои́тельнице, тружда́ющихся благослове́ние, нужда́ющихся неистощи́мое бога́тство, си́рых и вдови́ц и все́х люде́й Корми́тельнице и Пита́тельнице, ро́ждшая Пита́теля Вселе́нныя и Спори́тельнице хле́бов на́ших! Ты́, Влады́чице, низпосыла́еши Твое́ Ма́тернее благослове́ние градо́м на́шим, села́м и ни́вам и коему́ждо до́му, на Тя́ упова́ние иму́щему. Те́мже с благогове́йным тре́петом и сокруше́нным се́рдцем смире́нно мо́лим Тя́: бу́ди и на́м, гре́шным и недосто́йным рабо́м Твои́м, му́драя Домострои́тельнице, житие́ на́ше до́бре устроя́ющая. Вся́кий до́м и семе́йство во благоче́стии и правосла́вии, единомы́слии, послуша́нии и дово́льстве соблюди́. Ни́щия и неиму́щия пропита́й, ста́рость поддержи́, младе́нцы воспита́й, все́х вразуми́ преи́скренне взыва́ти ко Го́споду: Хле́б на́ш насу́щный да́ждь на́м дне́сь. Сохрани́, Пречи́стая Ма́ти, лю́ди Твоя́ от вся́кия ну́жды, боле́зни, гла́да, губи́тельства, гра́да, огня́, от вся́каго зла́го обстоя́ния и вся́каго нестрое́ния. Оби́тели на́шей (ве́си), дома́м и семе́йствам и вся́кой души́ христиа́нстей и все́й стране́ на́шей исхода́тайствуй ми́р и ве́лию ми́лость, да сла́вим Тя́, Преми́лостивую Пита́тельницу и Корми́тельницу на́шу, ны́не и при́сно, и во ве́ки веко́в. Ами́нь.

www.akafistnik.ru

Спорительница хлебов - Икона Божией Матери

 

Икона Божией Матери,

именуемая «Спорительница хлебов»

 

 (15 / 28 октября)

 

 

    Икона Божией Матери, именуемая "Спорительница хлебов", написана по благословению старца Введенской Оптиной пустыни иеросхимонаха Амвросия (23.ХI.1812 – 10.Х.1891). Отец Амвросий, великий русский подвижник ХIХ века, пламенел детской верой к Божией Матери. Он особенно чтил все Богородичные праздники и в эти дни усугублял молитву. Иконой "Спорительница хлебов" отец Амвросий благословил основанную им недалеко от Оптиной пустыни Шамординскую женскую обитель в честь Казанской иконы Божией Матери.

    На этой иконе Божия Матерь изображена сидящей на облаках. Ее руки распростерты на благословение. Внизу – сжатое поле, а на нем среди трав и цветов стоят и лежат снопы ржи. Старец Амвросий сам указал день празднества – 15 октября и назвал образ "Спорительница хлебов", указывая этим, что Пресвятая Богородица – "Помощница людям в их трудах по снисканию хлеба насущного". Перед своей блаженной кончиной отец Амвросий заказывал во множестве фотоснимки с этой иконы и раздавал и рассылал их своим духовным детям. Для пения акафиста перед святым образом старец составил особый припев: "Радуйся, Благодатная, Господь с Тобою! Подаждь и нам, недостойным, росу благодати Твоея и яви милосердие Твое!" День погребения старца Амвросия в Шамординской обители пришелся как раз на 15 октября – день празднества иконы. Первое чудо от святой иконы засвидетельствовано в 1891 году, когда во всей России был голод из-за неурожая, а в Калужской области и на полях Шамординской обители хлеб родился. В 1892 году, уже после кончины старца Амвросия, его послушник Иван Федорович Черепанов послал список с иконы в Пятницкую женскую обитель Воронежской области. В той местности была засуха и угрожал голод, но вскоре после того, как перед иконой "Спорительница хлебов" был отслужен молебен, пошел дождь и засуха прекратилась.

 

 

 

 

АКАФИСТ

Кондак 1

 

Избранней от всех родов Божией Матери и Владычице Небеси и земли, избавляющей нас от всякия нужды, благодарственное приносим пение. Ты же, Всемилостивая Госпоже Богородице, приими наше усердное моление, сохрани нас от глада и пагубы, даруй земли нашей плодоносие, Питательнице и Спорительнице нив и хлебов наших, да радующеся всегда зовем Ти: Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Икос 1

 

Ангелов Творец избра Тя, Владычице, к благодатному человеков спасению и дарова Тя Помощницу людем, избавляющую нас от глада и всяких напастей, житие наше добре устрояющую во всяком мире и довольстве. Темже со умилением взываем Ти:

Радуйся, благодатное человеков избавление от всякия нужды;

Радуйся, достоянию Твоему помощь и заступление.

Радуйся, христолюбивыя люди от бед спасающая;

Радуйся, алчущих Питательнице.

Радуйся, сирых Заступнице;

Радуйся, нагих одеяние.

Радуйся, израстившая нам Плод Живота;

Радуйся, Спаса рождшая душ наших.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 2

 

Видев Сын Твой, Богомати, великое Твое к людем милосердие, глаголет к Тебе: “Проси, Мати Моя, зане не отвращуся Тебе, но исполню вся прошения Твоя”. Мы же, прославляющие сие дивное промышление о роде человеческом, вопием Богу: Аллилуиа.

 

 

Икос 2

 

Разум небесный даровася благочестивому старцу Амвросию, настави его соорудити во обители им созданной, икону Пресвятыя Богородицы и нарещи ю “Спорительнице хлебов”, яко Ты, Пресвятая Дево, спасаеши люди Твоя от глада, даруеши земли плодоносие, посылаеши дождь ранний и поздний на нивы и поля наша, защищаеши люди Твоя от смертоноснаго вреда и пагубы. Темже вопием Тебе таковая:

Радуйся, Дево, христиан похвало;

Радуйся, яко Тя блажат вси роди.

Радуйся, яко Ты благословляеши и споряеши хлебы наша;

Радуйся, яко Ты избавляеши нас от глада.

Радуйся, питающая нас хлебом жизни;

Радуйся, млеком питавшы Питателя Вселенныя.

Радуйся, Плода Безсмертнаго стяжание;

Радуйся, Садителя жизни нашея росшая.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 3

 

Силою свыше укрепи нас, Благодатная Владычице, во дни глада и пагубы, да не погибнем люте без покаяния во унынии и отчаянии, но утверди и настави нас в терпении и благоугождении Богу, да разумеем в напастех и скорбех волю Его святую, благую и совершенную, непрестанно хваля Бога и взывая Ему: Аллилуиа.

 

 

Икос 3

 

Имея любовь велию к людям, искупленным Честною Кровию Сына Твоего и Бога, Богомати Пречистыя, прияла еси от Него власть устрояти и покрывати род христианский. Ты бо бедствующим Помощнице еси скорая, градом и весем, селам и нивам, и всему миру Покров. Тебе, Милосердной и Боголюбивой Матери нашей, устрояющей и управляющей ко спасению земную жизнь нашу, смиренномудренно глаголем:

Радуйся, Благаго Сына Благая Мати;

Радуйся, непрестанно молящаяся о спасении и помиловании нас грешных.

Радуйся, о всем мире христианстем к Богу Ходатаице;

Радуйся, благ всяческих Всеблагая Подательнице.

Радуйся, плененных и в темницех заключенных Питательнице;

Радуйся, тела моего здравие и души моея спасение.

Радуйся, яко рай пищный процветаеши;

Радуйся, яко пристанище душам готовиши.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 4

 

Буря противных ветров, егда найдет на нас внезапно, громы и молнии, град и вода многая устремится на землю, тогда, Госпоже Всемилостивая, ускори на помощь нам безпомощным, защити и избави нас от дождевнаго лияния, егоже сотворихомся достойни грех ради наших, и да будут поля и нивы невредимы от сих, и да не потопит нас буря водная. Тебе бо грешнии имамы Заступницу непостыдную, на Тя упование наше возлагаем и, прославляюше силу молитв Твоих, Рождшемуся от Тебе Спасу мира зовем: Аллилуиа.

 

 

Икос 4

 

Слышаще и видяще Твое сострадание, Владычице, к бедствующим и гибнущим людем, мы, грешнии, прибегаем к Тебе и молимся: О, Пресвятая Дево, услыши нас грешных, и во дни, егда солнце изсушит землю и от сухости зной будет, и прозябения земная начнут увядати, тогда Владычице, росу благодати Твоея низпосли на требующия и просящия милости, возвесели лице земли, нищих ради людей Твоих, младенец, и скотов, и иных всех, иже чают дати им пищу во благо время, и от святыя иконы Твоея “Спорительницы” яви милосердие Твое вопиющим Тебе таковая:

Радуйся, Молитвеннице неусыпающая ко Христу Богу, на милость к нам Его преклоняющая;

Радуйся, кару Божию за беззакония наша от глав наших отводящая.

Радуйся, Матерним покровом Твоим от всяких несчастий нас охраняющая;

Радуйся, поля и нивы наша от запаления солнечнаго спасающая.

Радуйся, Всемилостивая Услышательнице гласов наших молебных в скорби и обстоянии;

Радуйся, жилища наша от огня спасающая.

Радуйся, Державная Скоропомощнице наша во дни тяжких испытаний;

Радуйся, от всех бед быстрое избавление.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

Кондак 5

 

Боготечная звезда, икона Твоя, Богомати, людем, просящим хлеба насущнаго, немерцаемо сияет, покровом бо Твоея милости соблюдаеши поля и нивы наша и плодоносити их устрояеши, подвизая верныя вопити Христу Богу: Аллилуиа.

 

 

Икос 5

 

Видя Тя Сын Твой при Кресте стоящую с возлюбленным учеником, глаголет Тебе: “Жено, се Сын Твой” и ученику: “Се Мати Твоя!” — всыновляя Тебе вся верующия в Него. Мы же, чада Твоя сущия, на Твой покров надеющеся, Тебе, яко Матери нашей, глаголати дерзаем:

Радуйся, Судии Праведнаго умоление;

Радуйся, грехов наших прощение.

Радуйся, Надеждо наша известная;

Радуйся, упование наше непостыдное.

Радуйся, скорбей наших разрешение;

Радуйся, печалей наших утоление.

Радуйся, пламене страстей изменяющая;

Радуйся, всех родов веселие.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 6

 

Проповедует Церковь Христова чудеса Твоя, Богородительнице, от восток бо до запад хвально Имя Твое, и несть града или страны, идеже не совершашеся Тобою действо Силы Божия, во избавление и спасение, просвещение и исцеление людей христоименитых, наипаче же чрез иконы Твоя святыя обыкла еси чудотворити, изливающи от них струи милостей и щедрот бедствующему и требующему помощи человечеству. Сего ради славословяще Тя, Сыну Твоему и Богу нашему вопием: Аллилуиа.

 

 

Икос 6

 

Возсияла еси от Истиннаго Солнца заря, Дево Богоотроковице, просвещаеши души всех, томимых гладом душевным, рече бо Господь: “Не о хлебе едином жив будет человек, но о всяком глаголе, исходящем из уст Божиих”. Но помрачишася очи наша и окаменеша сердца наша, и не видим очима своима и не разумеем сердцем судеб Божиих. Томимыя душевным гладом, к Тебе прибегаем, Пречистая Дево, и просим Словом Жизни утолить глад душевный нас, вопиющих Тебе таковая:

Радуйся, от убожества душевнаго нас воздвизающая;

Радуйся, Питающая нас Словом Жизни.

Радуйся, трапезо Пресвятая, Хлеб Жизни носившая;

Радуйся, Пище, манны приемнице.

Радуйся, земле Благая, Клас божественный израстившая;

Радуйся, ниво, растящая многоплодие щедрот.

Радуйся, каменю напоивший жаждущия жизни;

Радуйся, милость сугубо нам подающая.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 7

 

Хотящи жати спасение, яко село сладкое показалася еси Владычице, от Негоже питающеся, имамы пищу вечную и нетленную. Мы же, земнии суще, молим Тя, Пречистая Дево, покажи силу Твою на жатве нив и полей наших, егда приидет время их, и всяк злак да изобилует на утешение нас, поющих Богу: Аллилуиа.

 

 

Икос 7

Дивно прославилася еси, Богомати, в защищении людей православных. Возстающии бо на Бога не познают, коль сильна есть молитва Божией Матери. Мы же о Твоем всемощном заступлении, помощи и благословении добре ведуще, сице к Тебе со умилением зовем:

Радуйся, чистых руками и сердцем земледельцев благословенными плодами венчающая;

Радуйся, бедствующим среди напастей и трудов внезапное вспоможение.

Радуйся, безматерних сирот незримая Воспитательнице;

Радуйся, Помощнице всех безпомощных.

Радуйся, Кормительнице вдов и сирот;

Радуйся, подающая силу, пищу и отраду болящим и разслабленным.

Радуйся, одеждо нагих дерзновения;

Радуйся, многих согрешений прощение.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

Кондак 8

 

Якоже древле содействовала еси схождению на землю Спасителя мира, сице и ныне, яко солнце светозарное, восходиши над созревающей нивой, предшествуя приходу Господина с Жателями. Тому и мы со страхом вопием: Аллилуиа.

 

Икос 8

 

Все упование наше на Тя возлагаем, Мати Божия, и в скорбех наших ко святей иконе Твоей “Спорительнице” усердно притекаем, чающе получити от Тебе утешение благодатное и вспоможение во оскудении и нищете нашей, взываем Ти:

Радуйся, милости превеликия сокровище;

Радуйся, пище и утешение к Тебе прибегающих.

Радуйся, хлебе неснедаемый алчущих;

Радуйся, быстрое нищих услышание.

Радуйся, скорбящих от глада и нужды приятное попечение;

Радуйся, к Свету Неприступному нас извлачающая.

Радуйся, ключу Царствия Христова;

Радуйся, Надеждо благ вечных.

Радуйся, Благодатная, Господь с Тобою, подаждь и нам недостойным, росу благодати Твоея и яви милосердие Твое.

 

 

Кондак 9

 

Вси людие дивятся величию чудес Твоих, Пресвятая Дево, изливаемых Тобою от святых Твоих икон, яко всем даруеши по коемуждо прошению, устрояеши домы наша, посылаеши благословение земледельцем и даеши людем всякое довольство. Темже вопием Сыну Твоему: Аллилуиа.

 

Икос 9

 

Вития многовещанныя не могут воспети чудес Твоих, Богомати Владычице, яко всем концем земли простираеши руку помощи и ниспосылаеши верным земли плодоносие, благорастворение воздухов и всякое изобилие плодов и благ земных. Мы же во смирении своем исповедающе Твое великое заступление о нас грешных и непрестанную помощь в нуждах наших вопием Ти: Радуйся, достойно восхваляемая от Архангел и Ангел;

Радуйся, величаемая от всех Небесных Сил.

Радуйся, Честнейшая Херувим;

Радуйся, Славнейшая без сравнения Серафим.

Радуйся, Владычице Неба и земли;

Радуйся, Родительнице Вечнаго Царя.

Радуйся, верная Рабо Господня;

Радуйся, ублажаемая на Небеси и на земли.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

Кондак 10

 

Спасительное прибежище в скорбех и напастех Ты еси, Богородице, темже испроси у Сына Твоего и Бога нашего, милости нам грешным, поющим: Аллилуиа.

 

 

Икос 10

Стена еси похваляющим чудеса Твоя, Богородице Дево, и всем с верою притекающим и поклоняющимся Тебе и иконе Твоей “Спорительнице хлебов” именуемой и глаголющим:

Радуйся, неистощимый источниче милостей и щедрот;

Радуйся, любве Божественных проявление.

Радуйся, чудес преславных совершение;

Радуйся, труждающихся и обремененных сладкий покое.

Радуйся, терпеливых страдальцев дарами благодатными ущедряющая;

Радуйся, о храмех Божиих попечение имущих духовною радостию утешающая.

Радуйся, несумненная наша Надеждо;

Радуйся, тихое и доброе Пристанище.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 11

 

Пение наше не презри, Пресвятая Дево, и сокровище любве Твоея не затвори от нас; щедрую руку Твоея помощи простри нам, да прославляющи милости и чудеса Твоя, поем Триединому Богу: Аллилуиа.

 

 

Икос 11

 

Светлыми лучами чудес Твоих просвещаеши весь мир христианский и заступаеши люди православныя, искупленным кровию Сына Твоего, темже припадающе ко святому образу Твоему, на немже зрим Тя, Богомати, на воздусе над полями и нивами нашими благословляющую собранныя снопы хлеба, молим Тя, Всемилостивая Владычице, род человеческий, осужденный в поте лица снести хлеб, в болезнех родити и в печалех питати чада своя, милостивно пощади и заступи. Даруй нам здравие и благомощие, да питаемии Тобою, от силы в силу возрастати будем и вси исполнимся радости и утешения от щедродательныя десницы любве Твоея, зовуще Тебе:

Радуйся, младенцев Млекопитательнице;

Радуйся, устнами детей хвалу Богови совершающая.

Радуйся, Росо Неботочная в зной трудов сущим;

Радуйся, подавающая требующим благоустроение.

Радуйся, уготовляющая просящим изобилие;

Радуйся, многажды прошения предваряющая.

Радуйся, печальных Утешение;

Радуйся, скорбящих веселие.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 12

 

Благодатную помощь ниспосли нам, Мати Божия, и егда изыдет сеяй сеяти, да не падут семена при пути или посреде терния, или на камени, но на земли добрей. Сотвори восход их, да произрастит земля плод сторицею, и мы вси в радости сердца благодарными устны вопием Богу: Аллилуиа.

 

 

Икос 12

 

Поюще чудеса Твоя и милости, Владычице Богородице, хвалим Тя вси, яко воистину еси наша Помощнице, Заступнице, Питательнице и Домостроительнице, житие наше ко спасению устрояющая. Темже вопием Ти:

Радуйся, богатство нетленное нам подавающая;

Радуйся, брашно негиблющее алчущим правды.

Радуйся, питие неисчерпаемое жаждущим жизни;

Радуйся, яко рай пищный процветаеши.

Радуйся, верных спасительное прибежище;

Радуйся, Покрове миру ширший облака.

Радуйся, ненадежных надеяние;

Радуйся, отчаянных спасение.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

 

 

Кондак 13

 

О, Всепетая Мати, рождшая всех святых Святейшее Слово! Нынешнее наше приемши приношение, избави люди, к Тебе прибегающия, от всякия нужды, глада душевнаго и телеснаго, смертоносных болезней и всякаго зла и вечныя изми муки, да с лики ангельскими непрестанно поем Богу: Аллилуиа.

 

(Этот кондак читается трижды, затем икос 1 и кондак 1)

 

 

МОЛИТВА

 

О, Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся Благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенныя и Спорительнице хлебов наших, Ты, Владычице, ниспосылаеши Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: “Хлеб наш насущный даждь нам днесь”. Сохрани, Пречистая Мати, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (веси), домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно, и во веки веков. Аминь.

 

 

 

ТРОПАРЬ

 

Тропарь, глас 3

 

Пречистая Дево Марие, Мати Царя Небеси и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению. Спорительнице сущи хлебов им, избавляя их всякия нужды и утеснения, и устрояя им, рабом Твоим сущим, избавление вечныя муки и жизнь вечную.

 

 

 

КАНОН

пред иконой Пресвятой Богородицы "Спорительница Хлебов”

 

 

Тропарь, глас 3:

 

О, Пречистая Дево Марие, Мати Царя небесе и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению, Спорительнице сущи хлебов им, избавляя их всякия нужды и утеснения и устрояя им, рабом Твоим сущим, избавление вечныя муки и жизнь вечную.

 

Канон глас 8.

 

Песнь 1.

 

Ирмос: Воду прошед яко сушу, и египетскаго зла избежав, израильтянин вопияше: Избавителю и Богу нашему поим.

 

Припев: Пресвятая Богородице, спаси нас.

 

Божиею силою благочестно укрепи мя, радостно славити икону Твою, Пречистая, заступление граду Твоему, и всем людем Твоим державу неразрушиму, Пресвятая, и стаду Твоему утверждение.

Благостыню и милость почерпаем Твоими молитвами: Ты бо Бога Сильнаго родила еси, спасающая вся благоверныя молением Твоим, Пренепорочная. Егоже ради Тя ублажаем вси, Владычице.

Слава: Твою святую икону, почитающе, Пречистая Богородице, Тобою спасение нетленно даровася, и неразрушимо веселие и надежда, Покров и держава, и душам нашым Прибежище.

И ныне: Под Твой кров притекаем, Владычице, людие Твои, Пренепорочная, Помощница буди нам рабом Твоим, и спасению прошение подающи, любовию поющым Тя.

 

Песнь 3.

 

Ирмос: Небеснаго круга Верхотворче Господи, и Церкве Зиждителю, Ты мене утверди в любви Твоей, желаний краю, верных Утверждение, Едине Человеколюбче.

 

Пресвятая Богородице, спаси нас.

 

Всечестную Твою икону, Пресвятая Дево Чистая, ангел множество на небесех, и человеческий род на земли блажит: яко Мати бысть Творца всех Христа Бога. Того молящи за ны не престай молим Тя, иже на Тя с Богом упование возложихом, Богородица Препетая и Неискусобрачная.

Освящаеши благочестно, верно притекающих ко храму Твоему, и припадающих любовию к иконе Твоей: избави нас от всяких бед, и победы даруй православным христианом на поганыя: и милостива сотвори нам Сына Твоего и Бога нашего.

Слава: Девическаго Твоего чрева красен Клас явлься, израстила бо еси мирови Жизнь. Сего ради силы небесныя вопиют Тебе Богородице: Радуйся, Благодатная, Господь с Тобою.

И ныне: Радостными душами, и в веселии сердца приимше ум к Твоему честному и святому образу, и вси вернии молим Тя, Богородице, яко Пречистому Сыну Твоему млеко подала еси, Иже нас Питавый милостию Своею.

 

Седален, глас 4:

 

ЦерковьТвоя светло празднуюет Твоего славнаго образа явление, и вси вернии, поюще, зовем Ти прилежно, Чистая Дево: вся верныя укрепи на вражию силу, и советы беззаконных разори: и живот наш направи, творити Божественную волю Сына Твоего.

Слава и ныне, тойже.

 

Песнь 4.

 

Ирмос: Услышах, Господи, смотрения Твоего таинство, разумех дела Твоя, и прославих Твое Божество.

 

Пресвятая Богородице, спаси нас.

 

Ты убо, Дево Чистая, к Свету незаходимому пришедши помяни нас, молящи Сына Твоего и Бога нашего, Твою честную икону празднующих, подати грехов оставление.

Якоже солнце светозарное, небо преходяще сияет, и Твой Божественный Лик лучы испущает: страстей же мглу от нас отгоняя, дарует душам нашым очищение, и от бед свобождение.

Слава: Ныне мрак злобный потребися, и солнечный и душевный свет возсия, Всенепорочныя Божия Матере, праздник честнаго образа егоже благочестно празднуем.

И ныне: Прибежище великое и похвала, Пречистая и Пренепорочная Мати Всепетая: Ты Кивот умныя Святыни, Ты целеб Источник неисчерпаемый, чтуших Тя покрывай от всякого зла.

 

Песнь 5.

 

Ирмос: Вскую мя отринул еси от лица Твоего, Свете Незаходимый, и покрыла мя есть чуждая тьма окаяннаго? Но обрати мя и к свету заповедей Твоих пути моя направи, молюся.

 

Пресвятая Богородице, спаси нас.

 

Исполняется святыни всяческая, к Тебе прибегающым: и прощение вернии приемлюще, празднуем Твою святую икону, и молим Тя, Пречистая, подати нам благодать и милость в день судный.

Вельми добротою украси Тя Бог, яко в человецех Свет на руку Твоею: Яже едина во Свете Его, Упование христианом, Помощница сущым в нуждах и скорбех, и Пританище в пучине труждающымся: моли избавитися от напастей, любовию чтущия икону Твою.

Слава: Яко другий рай всем познавается, стяжавый посреде благоухания цвет, Твой честный праздник, Божиим благоуханием верных сердца исполняет, иже любовию чтущих Тя, Пренепорочная Владычице.

И ныне: Облак была еси, Дево, дождю Божию, Пренепорочная Владычице, воду спасительную испущающи, землю грехми изсохшую напоивши, приводящи плод творению добродетели: сего ради ублажаем Тя.

 

Песнь 6.

 

Ирмос: Очисти мя Спасе, многа бо беззакония моя, и из глубины зол возведи молюся: к Тебе бо возопих, и услыши мя, Боже спасения моего.

 

Пресвятая Богородице, спаси нас.

 

Прежде всех век Сущаго. Яко Отроча родила еси, и наша сердца обновила еси, многими грехи обетшавшая: и обновление приими нашего пения, приносяще Твоему празднику, Богородице Приснодево.

Дева Мария Богродица воистинну, яко облак светлый нам возсия. Ктому Адам не осуждается, и Ева от уз свободися. Сего ради и мы зовем, вопюще с дерзновением Единей Чистей: Пресвятая Дево, моли Сына Твоего, подати грехов оставление.

Слава: Душа всяка веселится, сошедшеся в церковь Твою, и пред иконой Твоей взывающе, Дево Богородице: всех и нас озари, и просвети сердца наша, Дево Мати Владычице.

И ныне: Днесь небесная врата отверзаются, и дверь Божественная предгрядет. Днесь радости благодать начинается, являеще мирови икону Божия Матере, к нейже вси вернии возопиим: Радуйся, Благодатная, Господь с Тобою.

 

Кондак, глас 6:

 

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти; ускори на молитву и потщися на умоление, предстательствующи присно, Богородице, чтущих Тя.

 

Икос:

 

К Богородице вопием любовию:

Радуйся, Граде Господень.

Радуйся, скиптре Давидов.

Радуйся, Палато одушевленная.

Радуйся, ручко Божественныя манны.

Радуйся, неопалимая Купино.

Радуйся, свещниче златый.

Радуйся, свеще неугасимая.

Радуйся, горо Божия приосененная.

Радуйся, огненосный Престоле.

Радуйся, лествице и дверь небесная.

Радуйся, жезле Ааронов невлажно прозябый.

Радуйся, всех спасающи от всяких бед и скорбей, и моли, Пречистая, Сына Твоего, получити нам милость в день судный.

 

Песнь 7.

 

Ирмос: Божия снизхождения огнь устыдеся в Вавилоне иногда, сего ради отроцы в пещи радованною ногою, яко в цветнице ликующе, пояху: благословен еси, Боже отец наших.

 

Пресвятая Богородице, спаси нас.

 

Царица всех пришедши, небесный кров на славу нам устави, притекающих к иконе Твоей святей, еюже спасаемся от невидимых враг нахождения, к Сыну Твоему вопиюще: благословен Бог отец нашых.

Рождеством Твоим, Госпоже Богородице Дево, и всеми Твоими праздники, круг лета венчася: и ныне украси день честныя Твоея иконы, благодать источающи, мы же вси вернии во храм Твой притекающе.

Слава: Вся силы небесныя восхваляют Рождшую Господа, и роди человечестии прославляют Ю и радостно взывают: О, Прибежище наша, Надежда и Покров, и ограждение от вражиих нахождений.

И ныне: Благодатный облаче, окропи нас свыше росою Благодати и милости Твоея, чтущих день праздника Твоея святыя иконы, еже почитает, поет и славит всяка душа радующися: благословена Ты в женах, и благословен плод чрева Твоего.

 

Песнь 8.

 

Ирмос: Безначальнаго Царя славы, Егоже трепещут небесныя силы, пойте священницы, людие, превозносите во вся веки.

 

Пресвятая Богородице, спаси нас.

 

Царица еси всех едина Богу, Богородительнице Чистая, святый Престол и палата Христа Бога: Егоже моли о чтущих Твою честную икону, подати грехов оставление.

Руками святыми истинно понесла еси, в Тебе воплотившагося Господа, на земли, Преславная: и ныне возшла еси превыше небес, и оставльши человеком пресветлый образ Твой, моли Сына Твоего и Бога нашего подати нам оставление грехов.

Слава: Божественнии играйте пророцы, чтуще Девы Богородицы икону: Та бо исполни всех речения, вами сказуемаго рождши Христа всех Царя: Егоже превозносим во веки.

И ныне: Падшым востание, унывающым радование, заблуждшым Наставнице, болящым посещение и исцеление и всем христианом Спасение: соблюди нас, Госпоже, вопиющих и чтущих икону Твою, и избави нас от всяких бед.

 

Песнь 9.

 

Ирмос: Устрашися всяк слух неизреченна Божия снизхождения, яко Вышний волею сниде даже и до плоти, от Девическаго чрева бысть Человек: темже Пречистую Богородицу вернии величаем.

 

Пресвятая Богородице, спаси нас.

 

Преславная глаголашеся о Тебе, Граде Божий, и присно Царствующаго небесными и земными, от Тебе Рождшагося, и от земли Тя на Небо Возведша: Емуже непрестанно молися о чтущих преславного Лика Твоего изображение, с нимже Тя величаем.

Безплотных чинове, патриарх собор, и апостолов Божественный состав, пророческий лик, и мученичестии полцы, святителей и преподобных отец лики, и вси святии, веселитеся с нами, празднующе Божия Матере честную икону, и величающе.

Слава: Всяческая освятила еси Рождеством Твоим, Пречистая Дево, и явила еси большее просвещение, пречестный день Образа Твоего: егоже празднующе, Тебе величаем.

И ныне: Вознеси рог православных христиан, и низложи иноплеменных шатания, Богородительнице Пречистая: невоеваны соблюди грады Твоя, и вся страны христианския сохрани, в нихже великое Твое имя и многославное величается, и верно славится от всех, Владычице Чистая.

 

Светилен, глас 8

 

Богородицу Марию вси воспоим:

Радуйся, Мати Божия.

Радуйся, лествице одушевленная и разумная.

Радуйся, купино неопалимая.

Радуйся, стамно Всесвятая.

Радуйся, цвете веры.

Радуйся, жезле прозябший.

Радуйся, златая кадильнице.

Радуйся, горо Божия присенная Дево.

Радуйся, разрешение первыя Евы.

Радуйся, Престоле Божий.

Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое

 

Фотография иконы: http://pravoslavie.110mb.com/Pravoslavie/bogoroditsa/sporitel.htm

 

История иконы с сайта: http://pravznak.msk.ru/group_discussion_view.php?group_id=159&grouptopic_id=3226

pravoslavnyi.ru

28 октября — празднование иконы Божией Матери «Спорительница хлебов»

Двадцать восьмого октября верующие традиционно поклонятся чудотворной иконе Божией Матери «Спорительница хлебов», прося ее о помощи в духовных и земных делах. Икона имеет недолгую историю, но за время своего существования она прославилась множеством удивительных чудес.

История иконы «Спорительница хлебов»

В XIX веке икона, подобных которой христианский мир еще не знал, была преподнесена в подарок благочестивому старцу Оптиной пустыни иеромонаху Амвросию, по всей России славившемуся безграничной преданностью Богу и любовью к людям. Старец особенно чтил образ Богородицы, заступницы человеческого рода перед престолом Господа, и во все Богородичные праздники усиливал молитву.

Амвросий сам дал иконе название и установил день ее почитания — 15 октября (28 октября — по новому стилю). Назвав икону «Спорительница хлебов», старец подчеркнул, что Богоматерь поддерживает человека не только в духовных устремлениях, но и посылает свою помощь в обыденных трудах, в снискании хлеба насущного.

Амворосий горячо почитал эту икону. Перед своей смертью он сделал снимки с иконы и раздал своим духовным детям, заповедовав молиться этому образу. Старец скончался 13 октября, а 15 октября — в день празднования иконы — его предали земле.

В год его кончины произошло первое чудо, после которого весть об иконе стала распространяться по России. В то время ненастье коснулось каждого человека: был тяжелый неурожайный год. Перед «Спорительницей хлебов» сотворили молитву, и в некоторых областях был собран прекрасный урожай.

Через год в одной из губерний была сильнейшая засуха. Верующие попросили привезти икону, дабы они смогли помолиться перед ней о помощи. Копия «Спорительницы хлебов», написанная послушником преподобного Амвросия, была привезена, и перед ней совершили молебен. В скором времени губительная засуха прекратилась: пошел дождь, и поля подготовились к тому, чтобы дать урожай.

В 1892 году икону вывезли из Оптиной пустыни. След образа затерялся, и никто не имеет достоверных сведений по поводу его нынешнего местонахождения.

Празднование иконы «Спорительница хлебов»

Верующие и по сей день молятся перед образом Богоматери, прося ее о помощи в ежедневных трудах и о духовном спасении. Перед «Спорительницей хлебов» просят об укреплении материального благополучия и ниспослании сил для того, чтобы преодолеть тяготы и трудности.

В храма в этот день проходит служба, в ходе которой исполняется специальное песнопение, славящее Богоматерь, ее милосердие и внимание к делам человеческим.

С иконой совершают крестный ход. Раньше образом обносили поля, чтобы Богоматерь ниспослала хороший урожай и защитила возделанные земли от засухи. Молебны иконе «Спорительница хлебов» совершают не только в день празднования, но и каждый раз, когда особенно остро ощущается необходимость в помощи небесных сил: в неурожайные времена и моменты природных ненастий.

Небесные силы помогают человеку и в поиске духовного спасения, и в повседневных заботах. Молитесь о себе и своих близких, будьте счастливы и не забывайте нажимать на кнопки и

dailyhoro.ru

Спорительница хлебов

17 апреля, 2020 Administrator Комментариев нет »

В условиях распространения инфекции, учитывая, что у многих прихожан не будет возможности лично посетить храмы в день Пасхи, по благословению Святейшего Патриарха Московского и всея Руси Кирилла верующие, оставшиеся дома, могут совершить благословение куличей, пасх, яиц и прочей пасхальной снеди самостоятельно следующим образом:

перед пасхальной трапезой следует трижды пропеть тропарь Пасхи «Христо́с воскре́се из ме́ртвых, / сме́ртию смерть попра́в, / и су́щим во гробе́х живо́т дарова́в»,

затем окропить снеди освященной водой (если она есть) со словами: «Во имя Отца и Сына и Святаго Духа. Аминь».

Рабочая группа по координации деятельности церковных учреждений в условиях распространения коронавирусной инфекции/Патриархия.ru

17 апреля, 2020 Administrator Комментарии к записи Великая пятница отключены

В сей день повешен на Древе / на водах землю повесивший; / венцом из терний венчается / Ангелов Царь; / в ложную багряницу облекается / Покрывающий небо облаками; / принял по лицу удар / в Иордане освободивший Адама; / гвоздями был пригвожден Жених Церкви; / копьем был пронзен Сын Девы. / Поклоняемся страданиям Твоим, Христе. / Поклоняемся страданиям Твоим, Христе. / Поклоняемся страданиям Твоим, Христе. / Покажи нам и славное Твое воскресение!

11 апреля, 2020 Administrator Комментарии к записи Об освящении верб в домашних условиях отключены

В условиях распространения коронавирусной инфекции, учитывая, что у многих прихожан не будет возможности лично посетить храмы в праздник Входа Господня в Иерусалим (Вербное Воскресение), по благословению Святейшего Патриарха Московского и всея Руси Кирилла миряне могут освятить ваии (вербы) дома следующим образом:

пропеть (прочитать) тропарь праздника Входа Господня в Иерусалим «О́бщее воскресе́ние / пре́жде Твоея́ Стра́сти уверя́я, / из ме́ртвых воздви́гл еси́ Ла́заря, Христе́ Бо́же. / Те́мже и мы, я́ко о́троцы побе́ды зна́мения нося́ще, / Тебе́ победи́телю сме́рти вопие́м: / оса́нна в вы́шних, / благослове́н Гряды́й во и́мя Госпо́дне»,

затем трижды окропить вербы святой водой со словами: «Во имя Отца и Сына и Святаго Духа. Аминь».

Рабочая группа по координации деятельности церковных учреждений в условиях распространения коронавирусной инфекции/Патриархия.ru

sporhlebov.ru

Акафист иконе Божией Матери перед Ея иконой, именуемой “Спорительница хлебов”

← к оглавлению

 

Историческая справка об иконе

Проект службы иконе

Кондак 1

Избранней от всех родов Божией Матери и Владычице Небеси и земли, избавляющей нас от всякия нужды, благодарственное приносим пение. Ты же, Всемилостивая Госпоже Богородице, приими наше усердное моление, сохрани нас от глада и пагубы, даруй земли нашей плодоносие, Питательнице и Спорительнице нив и хлебов наших, да радующеся всегда зовем Ти: Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Икос 1

Ангелов Творец избра Тя, Владычице, к благодатному человеков спасению и дарова Тя Помощницу людем, избавляющую нас от глада и всяких напастей, житие наше добре устрояющую во всяком мире и довольстве. Темже со умилением взываем Ти: Радуйся, благодатное человеков избавление от всякия нужды; Радуйся, достоянию Твоему помощь и заступление. Радуйся, христолюбивыя люди от бед спасающая; Радуйся, алчущих Питательнице. Радуйся, сирых Заступнице; Радуйся, нагих одеяние. Радуйся, израстившая нам Плод Живота; Радуйся, Спаса рождшая душ наших. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 2

Видев Сын Твой, Богомати, великое Твое к людем милосердие, глаголет к Тебе: «Проси, Мати Моя, зане не отвращуся Тебе, но исполню вся прошения Твоя». Мы же, прославляющие сие дивное промышление о роде человеческом, вопием Богу: Аллилуиа.

Икос 2

Разум небесный даровася благочестивому старцу Амвросию, настави его соорудити во обители им созданной, икону Пресвятыя Богородицы и нарещи ю «Спорительнице хлебов», яко Ты, Пресвятая Дево, спасаеши люди Твоя от глада, даруеши земли плодоносие, посылаеши дождь ранний и поздний на нивы и поля наша, защищаеши люди Твоя от смертоноснаго вреда и пагубы. Темже вопием Тебе таковая: Радуйся, Дево, христиан похвало; Радуйся, яко Тя блажат вси роди. Радуйся, яко Ты благословляеши и споряеши хлебы наша; Радуйся, яко Ты избавляеши нас от глада. Радуйся, питающая нас хлебом жизни; Радуйся, млеком питавшы Питателя Вселенныя. Радуйся, Плода Безсмертнаго стяжание; Радуйся, Садителя жизни нашея родшая. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 3

Силою свыше укрепи нас, Благодатная Владычице, во дни глада и пагубы, да не погибнем люте без покаяния во унынии и отчаянии, но утверди и настави нас в терпении и благоугождении Богу, да разумеем в напастех и скорбех волю Его святую, благую и совершенную, непрестанно хваля Бога и взывая Ему: Аллилуиа.

Икос 3

Имея любовь велию к людям, искупленным Честною Кровию Сына Твоего и Бога, Богомати Пречистыя, прияла еси от Него власть устрояти и покрывати род христианский. Ты бо бедствующим Помощнице еси скорая, градом и весем, селам и нивам, и всему миру Покров. Тебе, Милосердной и Боголюбивой Матери нашей, устрояющей и управляющей ко спасению земную жизнь нашу, смиренномудренно глаголем: Радуйся, Благаго Сына Благая Мати; Радуйся, непрестанно молящаяся о спасении и помиловании нас грешных. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице. Радуйся, плененных и в темницех заключенных Питательнице; Радуйся, тела моего здравие и души моея спасение. Радуйся, яко рай пищный процветаеши; Радуйся, яко пристанище душам готовиши. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 4

Буря противных ветров, егда найдет на нас внезапно, громы и молнии, град и вода многая устремится на землю, тогда, Госпоже Всемилостивая, ускори на помощь нам безпомощным, защити и избави нас от дождевнаго лияния, егоже сотворихомся достойни грех ради наших, и да будут поля и нивы невредимы от сих, и да не потопит нас буря водная. Тебе бо грешнии имамы Заступницу непостыдную, на Тя упование наше возлагаем и, прославляюше силу молитв Твоих, Рождшемуся от Тебе Спасу мира зовем: Аллилуиа.

Икос 4

Слышаще и видяще Твое сострадание, Владычице, к бедствующим и гибнущим людем, мы, грешнии, прибегаем к Тебе и молимся: О, Пресвятая Дево, услыши нас грешных, и во дни, егда солнце изсушит землю и от сухости зной будет, и прозябения земная начнут увядати, тогда Владычице, росу благодати Твоея низпосли на требующия и просящия милости, возвесели лице земли, нищих ради людей Твоих, младенец, и скотов, и иных всех, иже чают дати им пищу во благо время, и от святыя иконы Твоея «Спорительницы» яви милосердие Твое вопиющим Тебе таковая: Радуйся, Молитвеннице неусыпающая ко Христу Богу, на милость к нам Его преклоняющая; Радуйся, кару Божию за беззакония наша от глав наших отводящая. Радуйся, Матерним покровом Твоим от всяких несчастий нас охраняющая; Радуйся, поля и нивы наша от запаления солнечнаго спасающая. Радуйся, Всемилостивая Услышательнице гласов наших молебных в скорби и обстоянии; Радуйся, жилища наша от огня спасающая. Радуйся, Державная Скоропомощнице наша во дни тяжких испытаний; Радуйся, от всех бед быстрое избавление. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 5

Боготечная звезда, икона Твоя, Богомати, людем, просящим хлеба насущнаго, немерцаемо сияет, покровом бо Твоея милости соблюдаеши поля и нивы наша и плодоносити их устрояеши, подвизая верныя вопити Христу Богу: Аллилуиа.

Икос 5

Видя Тя Сын Твой при Кресте стоящую с возлюбленным учеником, глаголет Тебе: «Жено, се Сын Твой» и ученику: «Се Мати Твоя!» — всыновляя Тебе вся верующия в Него. Мы же, чада Твоя сущия, на Твой покров надеющеся, Тебе, яко Матери нашей, глаголати дерзаем: Радуйся, Судии Праведнаго умоление; Радуйся, грехов наших прощение. Радуйся, Надеждо наша известная; радуйся, упование наше непостыдное. Радуйся, скорбей наших разрешение; Радуйся, печалей наших утоление. Радуйся, пламене страстей изменяющая; Радуйся, всех родов веселие. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 6

Проповедует Церковь Христова чудеса Твоя, Богородительнице, от восток бо до запад хвально Имя Твое, и несть града или страны, идеже не совершашеся Тобою действо Силы Божия, во избавление и спасение, просвещение и исцеление людей христоименитых, наипаче же чрез иконы Твоя святыя обыкла еси чудотворити, изливающи от них струи милостей и щедрот бедствующему и требующему помощи человечеству. Сего ради славословяще Тя, Сыну Твоему и Богу нашему вопием: Аллилуиа.

Икос 6

Возсияла еси от Истиннаго Солнца заря, Дево Богоотроковице, просвещаеши души всех, томимых гладом душевным, рече бо Господь: «Не о хлебе едином жив будет человек, но о всяком глаголе, исходящем из уст Божиих». Но помрачишася очи наша и окаменеша сердца наша, и не видим очима своима и не разумеем сердцем судеб Божиих. Томимыя душевным гладом, к Тебе прибегаем, Пречистая Дево, и просим Словом Жизни утолить глад душевный нас, вопиющих Тебе таковая: Радуйся, от убожества душевнаго нас воздвизающая; Радуйся, Питающая нас Словом Жизни. Радуйся, трапезо Пресвятая, Хлеб Жизни носившая; Радуйся, Пище, манны приемнице. Радуйся, земле Благая, Клас божественный израстившая; Радуйся, ниво, растящая многоплодие щедрот. Радуйся, каменю напоивший жаждущия жизни; Радуйся, милость сугубо нам подающая. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 7

Хотящи жати спасение, яко село сладкое показалася еси Владычице, от Негоже питающеся, имамы пищу вечную и нетленную. Мы же, земнии суще, молим Тя, Пречистая Дево, покажи силу Твою на жатве нив и полей наших, егда приидет время их, и всяк злак да изобилует на утешение нас, поющих Богу: Аллилуиа.

Икос 7

Дивно прославилася еси, Богомати, в защищении людей православных. Возстающии бо на Бога не познают, коль сильна есть молитва Божией Матери. Мы же о Твоем всемощном заступлении, помощи и благословении добре ведуще, сице к Тебе со умилением зовем: Радуйся, чистых руками и сердцем земледельцев благословенными плодами венчающая; Радуйся, бедствующим среди напастей и трудов внезапное вспоможение. Радуйся, безматерних сирот незримая Воспитательнице; Радуйся, Помощнице всех безпомощных. Радуйся, Кормительнице вдов и сирот; Радуйся, подающая силу, пищу и отраду болящим и разслабленным. Радуйся, одеждо нагих дерзновения; Радуйся, многих согрешений прощение. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 8

Якоже древле содействовала еси схождению на землю Спасителя мира, сице и ныне, яко солнце светозарное, восходиши над созревающей нивой, предшествуя приходу Господина с Жателями. Тому и мы со страхом вопием: Аллилуиа.

Икос 8

Все упование наше на Тя возлагаем, Мати Божия, и в скорбех наших ко святей иконе Твоей «Спорительнице» усердно притекаем, чающе получити от Тебе утешение благодатное и вспоможение во оскудении и нищете нашей, взываем Ти: Радуйся, милости превеликия сокровище; Радуйся, пище и утешение к Тебе прибегающих. Радуйся, хлебе неснедаемый алчущих; Радуйся, быстрое нищих услышание. Радуйся, скорбящих от глада и нужды приятное попечение; Радуйся, к Свету Неприступному нас извлачающая. Радуйся, ключу Царствия Христова; Радуйся, Надеждо благ вечных. Радуйся, Благодатная, Господь с Тобою, подаждь и нам недостойным, росу благодати Твоея и яви милосердие Твое.

Кондак 9

Вси людие дивятся величию чудес Твоих, Пресвятая Дево, изливаемых Тобою от святых Твоих икон, яко всем даруеши по коемуждо прошению, устрояеши домы наша, посылаеши благословение земледельцем и даеши людем всякое довольство. Темже вопием Сыну Твоему: Аллилуиа.

Икос 9

Вития многовещанныя не могут воспети чудес Твоих, Богомати Владычице, яко всем концем земли простираеши руку помощи и ниспосылаеши верным земли плодоносие, благорастворение воздухов и всякое изобилие плодов и благ земных. Мы же во смирении своем исповедающе Твое великое заступление о нас грешных и непрестанную помощь в нуждах наших вопием Ти: Радуйся, достойно восхваляемая от Архангел и Ангел; Радуйся, величаемая от всех Небесных Сил. Радуйся, Честнейшая Херувим; Радуйся, Славнейшая без сравнения Серафим. Радуйся, Владычице Неба и земли; Радуйся, Родительнице Вечнаго Царя. Радуйся, верная Рабо Господня; Радуйся, ублажаемая на Небеси и на земли. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 10

Спасительное прибежище в скорбех и напастех Ты еси, Богородице, темже испроси у Сына Твоего и Бога нашего, милости нам грешным, поющим: Аллилуиа.

Икос 10

Стена еси похваляющим чудеса Твоя, Богородице Дево, и всем с верою притекающим и поклоняющимся Тебе и иконе Твоей «Спорительнице хлебов» именуемой и глаголющим: Радуйся, неистощимый источниче милостей и щедрот; Радуйся, любве Божественных проявление. Радуйся, чудес преславных совершение; Радуйся, труждающихся и обремененных сладкий покое. Радуйся, терпеливых страдальцев дарами благодатными ущедряющая; Радуйся, о храмех Божиих попечение имущих духовною радостию утешающая. Радуйся, несумненная наша Надеждо; Радуйся, тихое и доброе Пристанище. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 11

Пение наше не презри, Пресвятая Дево, и сокровище любве Твоея не затвори от нас; щедрую руку Твоея помощи простри нам, да прославляющи милости и чудеса Твоя, поем Триединому Богу: Аллилуиа.

Икос 11

Светлыми лучами чудес Твоих просвещаеши весь мир христианский и заступаеши люди православныя, искупленным кровию Сына Твоего, темже припадающе ко святому образу Твоему, на немже зрим Тя, Богомати, на воздусе над полями и нивами нашими благословляющую собранныя снопы хлеба, молим Тя, Всемилостивая Владычице, род человеческий, осужденный в поте лица снести хлеб, в болезнех родити и в печалех питати чада своя, милостивно пощади и заступи. Даруй нам здравие и благомощие, да питаемии Тобою, от силы в силу возрастати будем и вси исполнимся радости и утешения от щедродательныя десницы любве Твоея, зовуще Тебе: Радуйся, младенцев Млекопитательнице; Радуйся, устнами детей хвалу Богови совершающая. Радуйся, Росо Неботочная в зной трудов сущим; Радуйся, подавающая требующим благоустроение. Радуйся, уготовляющая просящим изобилие; Радуйся, многажды прошения предваряющая. Радуйся, печальных Утешение; радуйся, скорбящих веселие. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 12

Благодатную помощь ниспосли нам, Мати Божия, и егда изыдет сеяй сеяти, да не падут семена при пути или посреде терния, или на камени, но на земли добрей. Сотвори восход их, да произрастит земля плод сторицею, и мы вси в радости сердца благодарными устны вопием Богу: Аллилуиа.

Икос 12

Поюще чудеса Твоя и милости, Владычице Богородице, хвалим Тя вси, яко воистину еси наша Помощнице, Заступнице, Питательнице и Домостроительнице, житие наше ко спасению устрояющая. Темже вопием Ти: Радуйся, богатство нетленное нам подавающая; Радуйся, брашно негиблющее алчущим правды. Радуйся, питие неисчерпаемое жаждущим жизни; Радуйся, яко рай пищный процветаеши. Радуйся, верных спасительное прибежище; Радуйся, Покрове миру ширший облака. Радуйся, ненадежных надеяние; Радуйся, отчаянных спасение. Радуйся, Благодатная, Господь с Тобою, подаждь и нам, недостойным, росу благодати Твоея и яви милосердие Твое.

Кондак 13

О, Всепетая Мати, рождшая всех святых Святейшее Слово! Нынешнее наше приемши приношение, избави люди, к Тебе прибегающия, от всякия нужды, глада душевнаго и телеснаго, смертоносных болезней и всякаго зла и вечныя изми муки, да с лики ангельскими непрестанно поем Богу: Аллилуиа.

(Этот кондак читается трижды, затем икос 1 и кондак 1)

Молитва к Пресвятой Богородице перед Ея иконой, именуемой «Спорительница хлебов»

О, Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенныя и Спорительнице хлебов наших, Ты, Владычице, ниспосылаеши Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: «Хлеб наш насущный даждь нам днесь». Сохрани, Пречистая Мати, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (веси), домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно, и во веки веков. Аминь.

Тропарь Пресвятой Богородице перед Ея иконой, именуемой «Спорительница хлебов»

Тропарь, глас 3

Пречистая Дево Марие, Мати Царя небеси и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению. Спорительнице сущи хлебов им, избавляя их всякия нужды и утеснения, и устрояя им, рабом Твоим сущим, избавление вечныя муки и жизнь вечную.

 

← к оглавлению

www.optina.ru


Смотрите также